Google компанияси Google TV учун сунъий интеллектга асосланган янги функцияларни эълон қилди. Шунингдек, YouTube Шортс видеолари тўғридан-тўғри бош экранга қўшилади. Бу ҳақда Techcrunch.com хабар беради.
Ушбу янгиланишнинг асосий қисми Gemini имкониятларига қаратилган. Gemini бўлимидаги "Яратиш" тугмаси орқали фойдаланувчилар Nano Банана ва Veo каби генератив сунъий интеллект воситаларини синаб кўришлари мумкин.
Бу функциялар дастлаб АҚШдаги Gemini тизимини қўллаб-қувватлайдиган TCL телевизорларида ишга туширилади.
Nano Банана модели фойдаланувчиларга овозли буйруқлар орқали расмларни ўзгартириш имконини беради. Унинг ёрдамида кийимларни алмаштириш, фонни ўзгартириш ёки бутунлай янги саҳналар яратиш мумкин.
Veo эса нолдан қисқа видеолар яратиш ёки статик расмларни жонлантириш имконини беради.
Google Пҳотос ҳам Google TV тизимида янгиланмоқда. Gemini қидируви орқали фойдаланувчилар керакли хотираларни тезда топишлари мумкин.
Шунингдек, расмларга турли бадиий услубларни қўллаш имконини берувчи "Ремих" функцияси қўшилди.
Бундан ташқари, "Динамик слайд-шоулар" орқали анимацион макетлар ва рамкалар тақдим этилади. Google TV бош экранида YouTube Шортс контентидан иборат янги қисқа видеолар қатори ҳам пайдо бўлади.
“Zamin”ни Telegram'да ўқинг!
