Япониянинг "SoftBank" конгломерати "Розе AI" номли янги корхонани ишга туширишни режалаштирмоқда. Стартап АҚШда сервер фермаларини қуришни тезлаштириш ва арзонлаштириш учун автоном роботлардан фойдаланишга қаратилган. Бу ҳақда Ixbt.com хабар беради.
Унинг биржага чиқишдаги баҳоси 100 миллиард долларни ташкил қилиши мумкин.
"Финанcиал Тимес" нашрига кўра, "SoftBank" "Розе AI" компаниясини 2026 йилнинг иккинчи ярмида ўтказилиши кутилаётган дастлабки оммавий таклифга (IPO) тайёрлашни бошлади. Лойиҳанинг асосий ғояси жисмоний инфратузилма етишмовчилиги муаммосини ҳал қилишдан иборат.
Анъанавий қурилиш бригадалари ўрнига роботлар пайвандлаш, конструкцияларни йиғиш ва оғир юкларни ташиш билан шуғулланади. Бу эса дата-марказларни кечаю кундуз қуриш имконини беради.
"Wall Street Жоурнал" маълумотларига кўра, янги компания таркибига "SoftBank" сўнгги ойларда сотиб олган активлар кириши мумкин. Улар орасида "ABB" робототехника бўлинмаси ва "Ампере Cомпутинг" чиплар ишлаб чиқарувчиси бор.
Ушбу қувватларни ягона экотизимга бирлаштириш орқали "SoftBank" асосчиси Масаёши Сон Америка бозорида рекорд даражадаги 100 миллиард долларлик баҳони оқлашга умид қилмоқда.
Оғир саноатни автоматлаштириш тенденцияси тобора оммалашмоқда. "Amazon" асосчиси Жефф Безос ҳам шунга ўхшаш қадамларни ташламоқда.
Унинг 6,2 миллиард доллар сармоя билан ишга туширилган "Прожеcт Прометҳеус" стартапи ҳам саноат секторини модернизация қилишга қаратилган.
Бироқ "SoftBank" таҳлилчилари лойиҳага шубҳа билан қарамоқда. 2023 йилда "Зуме" робо-питсериясининг инқирози инвесторларни эҳтиёткорликка чорламоқда.
Ҳали тайёр маҳсулотни тақдим этмаган компаниянинг бундай қисқа муддатли IPO режалари ва юқори баҳоланиши хавотир уйғотмоқда.
“Zamin”ни Telegram'да ўқинг!
