MegaFon оператори iCloud хизматидан маълумотларни «Облако Mail» платформасига кўчириш жараёнида интернет трафик сарфланмаслигини эълон қилди. 13-майдан 19-майгача бўлган даврда MegaFon ва Yota абонентлари хорижий булутли хотирадаги файлларини ҳеч қандай чекловларсиз юклаб олишлари мумкин. Бу ҳақда Ixbt.com хабар беради.
«Облако Маил» мобил иловасидаги «Автоюклаш» функцияси фойдаланувчиларга фотосурат ва видеоларни iCloud'дан автоматик равишда фонда кўчириш имконини беради. Юкланган барча маълумотлар аввалдан белгиланган папкага жойлаштирилади.
MegaFon вакилларининг таъкидлашича, ушбу янгилик фойдаланувчиларга ўз файлларини тартибга солиш ва уларни қулай тарзда кўриб чиқиш имконини беради. Компания мижозлар учун маълумотлар хавфсизлигини таъминлаш ва маҳаллий хотира тизимига ўтишни осонлаштиришни мақсад қилган.
MegaFon'нинг Б2C маҳсулотлари департаменти директори Мария Фаустова кўплаб фойдаланувчилар йиллар давомида хорижий хотираларда катта ҳажмдаги ҳужжат ва медиа файлларни сақлаб келганини қайд этди. Айнан шу сабабли, маълумотлар миграцияси даврида абонентларнинг тариф режаларидаги интернет-пакетлар сарфланмаслиги учун имтиёзли давр жорий этилди.
“Zamin”ни Telegram'да ўқинг!
