Apple компанияси iPhone 16 тақдимотидан олдин сунъий интеллект функсияларини нотўғри реклама қилганликда айбланиб очилган суд ишини ёпиш учун 250 миллион доллар тўлашга рози бўлди. Финансиал Тимес хабарига кўра, даъвогарлар Apple компаниясини Apple Intelлигенсе имкониятларини, хусусан, Siri ёрдамчисининг янгиланган версиясини бўрттириб кўрсатганликда айблашган. Бу ҳақда Течкрунч.ком хабар беради.
Судга киритилган шикоятда айтилишича, компания фойдаланувчиларда илғор сунъий интеллект имкониятлари кутилганидан тезроқ пайдо бўлиши ҳақида нотўғри таассурот қолдирган. Натижада, iPhone 15 ёки iPhone 16 харид қилган мижозлар сотиб олиш вақтида мавжуд бўлмаган технологиялар учун пул тўлаганликларини даъво қилишган.
Apple суд жараёнида айбини тан олмади, бироқ судни давом еттирмаслик учун келишувга еришишни маъқул кўрди. Келишув шартларига кўра, 2024-йил 10-июндан 2025-йил 29-мартгача iPhone 15 ёки iPhone 16 сотиб олган АҚШлик мижозлар ҳар бир қурилма учун 95 долларгача товон пули олишлари мумкин.
Apple 2024-йилда ВВДК конференсиясида Apple Intelлигенсе тизимини тақдим етганидан бери Siriнинг янада ақллироқ версиясини вада қилиб келмоқда. Ушбу янгиланишлар Siriни ChatGPT ёки Claude каби замонавий чатботлар даражасига олиб чиқиши кутилмоқда.
Янги тизим Google Gemini технологияси билан ишлаши мумкинлиги ҳақида миш-мишлар мавжуд, бироқ сўнгги хабарларга кўра, Apple фойдаланувчиларга турли хил учинчи томон йирик тил моделларини танлаш имконини бериши мумкин. Ушбу келишув Apple компаниясининг 8-июн куни бўлиб ўтадиган йиллик дастурчилар конференсияси арафасида амалга оширилди.
“Zamin”ни Telegram'да ўқинг!
