Россиянинг "Космос 2581" ва "Космос 2583" сунъий йўлдошлари орбитада ўта аниқ яқинлашиш манёврини бажарди. КОМСПОК космик объектларни кузатиш компанияси маълумотларига кўра, 28-апрель куни ушбу қурилмалар бир-биридан атиги 3 метр масофагача яқинлашган. Мутахассислар бу ҳаракат тасодифий эмаслигини ва сунъий йўлдошлар барқарор конфигурацияни сақлаш учун бир неча бор тузатишлар киритганини таъкидламоқда. Бу ҳақда Ixbt.com хабар беради.
Таҳлиллар шуни кўрсатдики, операцияда нафақат ушбу жуфтлик, балки "Космос 2582" сунъий йўлдоши ҳамда "Космос 2583"дан ажралиб чиққан Обжект Ф номли кубсат ҳам иштирок этган. Барча объектлар 2025-йил феврал ойида "Союз" ракетаси ёрдамида коинотга учирилган эди. КОМСПОК кузатувларига кўра, бу қурилмалар паст Ер орбитасида ўзаро мувофиқлаштирилган манёврларни биринчи марта амалга ошираётгани йўқ.
Яқинлашиш жараёнида "Космос 2582" гуруҳдан 100 километрдан камроқ масофада ортда қолган бўлса, Обжект Ф қурилмаси "Космос 2582"дан 15 км ва "Космос 2581"дан 10 км узоқликда ҳаракатланган. Мутахассисларнинг фикрича, Россия ушбу операциялар орқали бир вақтнинг ўзида бир нечта объектни бошқариш ва уларнинг ўзаро ўзаро таъсирини таъминлаш бўйича илғор орбитал технологияларни синовдан ўтказмоқда.
“Zamin”ни Telegram'да ўқинг!
