Россияда маиший техника ишлаб чиқарувчиларининг 2025-йил якунлари бўйича тушуми 11,6 фоизга қисқариб, 209,2 миллиард рублни ташкил этди. Таҳлилчилар ушбу пасайишни умумий талабнинг камайиши ва бозорнинг торайиши билан изоҳламоқда. Бу ҳақда Ixbt.com хабар беради.
Бозордаги энг йирик ишлаб чиқарувчилар қаторига Ҳаиер, ЛГ, Беко, Индесит, Ҳотпоинт ва Бирюса брендлари остида техника тайёрлайдиган компаниялар киради. Шунга қарамай, фақат иккита корхона — Индесит, Ҳотпоинт ва Стинол техникаларини ишлаб чиқарувчи Липецк заводи ҳамда маҳаллий Бирюса бренди ўсиш кўрсаткичларини қайд этди.
Беко компаниясининг Россиядаги бўлинмаси эса аксинча, 35 фоизга яқин даромад йўқотди. Мутахассисларнинг фикрича, Бирюса заводи божхона тўловларининг йўқлиги ва арзон нархдаги музлатгичлар сегментига қаратилган стратегияси туфайли рақобатда устунликка эришмоқда.
Бозордаги пасайиш тенденцияси бизнесни қайта ташкил этиш ва савдо схемаларининг ўзгариши билан ҳам боғлиқ. Хорижий брендлар кетганидан сўнг, техникаларнинг катта қисми маҳаллий дистрибюторлар орқали сотилмоқда. Шунга қарамай, экспертлар 2026-йилда маиший техника бозорида босқичма-босқич тикланиш кузатилишини кутмоқда.
“Zamin”ни Telegram'да ўқинг!
