Москва ва вилоятида 9-май куни мобил интернет чекланиши мумкин

Россиянинг «Билайн» алоқа оператори Москва ва Москва вилоятидаги ўз абонентларига 9-май куни мобил интернет ва СМС хизматларида узилишлар бўлиши мумкинлиги ҳақида огоҳлантириш юборди. Бу ҳақда Ixbt.com хабар беради.

Оператор хабарига кўра, Ғалаба куни муносабати билан ўтказиладиган байрам тадбирлари хавфсизлигини таъминлаш мақсадида мобил тармоқ фаолиятига вақтинчалик чекловлар киритилади. Бу чекловлар, жумладан, «оқ рўйхатлар» (вҳите листс) орқали кириш имкониятига ҳам тааллуқли бўлади.

Аввалроқ Россия Рақамли ривожланиш вазирлиги 7–8-май кунлари Москвада интернетни ўчириш режалаштирилмаганини маълум қилган эди. Бироқ вазирлик хавфсизликка таҳдид туғилганда тезкор ва манзилли чоралар кўрилиши мумкинлигини истисно этмаган.

Мутахассисларнинг қайд этишича, 9-май куни байрам тадбирлари давомида мобил алоқа ва интернет хизматларида узилишлар кузатилиши кутилмоқда. Фойдаланувчиларга ушбу вақт оралиғида алоқа билан боғлиқ муаммоларга тайёр туриш тавсия этилади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг