Ҳисенсе компанияси ўзининг янги Видда Повер Банк К1 ташқи аккумуляторини расман тақдим этди. Гарчи қурилманинг аниқ нархи ҳали эълон қилинмаган бўлса-да, ишлаб чиқарувчи савдолар июль ойида бошланишини тасдиқлади. Бу ҳақда Ixbt.com хабар беради.
Янги модел ўзининг юқори қуввати ҳамда ўзига хос дизайн ечими билан ажралиб туради. Қурилмага зарядлаш учун мўлжалланган кабел ўрнатилган бўлиб, у айни вақтда ташиш учун қулай тасма вазифасини ҳам бажаради.
Видда Повер Банк К1 кумуш рангли корпусда ишлаб чиқарилган ва зарядлаш жараёни ҳақидаги маълумотларни кўрсатиб турувчи ихчам экран билан жиҳозланган. Унинг ички сиғими 20 000 мА·соатни ташкил этади.
Қурилманинг энг асосий устунлиги — 140 Вт гача бўлган комбинацияланган тезкор зарядлашни қўллаб-қувватлашидир. Шунингдек, у ПД ва ППС каби 6 та машҳур тезкор зарядлаш протоколлари билан тўлиқ мос келади.
“Zamin”ни Telegram'да ўқинг!
