Хитой бозорида AMD компаниясининг айрим видео карталари тавсия этилган чакана нархдан ҳам арзонроқ сотилмоқда. Дистрибюторлар ва дўконлар маҳсулотларни сотиш учун нархларни шунчалик пасайтиришга мажбур бўлишяптики, бу ҳолат уларнинг зарарига ишлаяпти. Чаннел Гате маълумотларига кўра, айниқса Радеон RX 7650 ГРE модели билан боғлиқ вазият жуда жиддий. Бу ҳақда Ixbt.com хабар беради.
Ушбу моделнинг тавсия этилган нархи 2099 юан (310 доллар) бўлса-да, у ҳозирда солиқлар билан бирга 1740 юан (255 доллар) атрофида сотилмоқда. Акциялар вақтида эса нарх 1580–1650 юанга (тахминан 235 доллар) тушиб кетмоқда. Шунингдек, Радеон RX 9060 ХТ 8GB ва Радеон RX 9070 ХТ моделлари ҳам расмий нархидан сезиларли даражада арзонроқ таклиф қилинмоқда.
Таҳлилчилар ушбу ҳолатнинг асосий сабаби сифатида шахсий компьютерлар йиғиш бозоридаги талабнинг пасайганини кўрсатишмоқда. Хитойда уй шароитида ўйин компьютерларини йиғиш ва уларни янгилашга бўлган қизиқиш камайган, натижада дистрибюторлар омборлари сотилмаган бутловчи қисмлар билан тўлиб кетган.
Таклифнинг талабдан юқорилиги туфайли сотувчилар омборларни бўшатиш мақсадида нархларни доимий равишда туширишга мажбур бўлмоқда. Манбаларга кўра, Хитой бозори товар ортиқчалигига АҚШ ёки Европа бозорларига қараганда анча сезгирроқ. Экспертлар нархларнинг узоқ муддатли пасайиши нафақат алоҳида сотувчиларга, балки бутун маҳаллий видео карта бозорига салбий таъсир кўрсатиши мумкинлигидан хавотирда.
Бироқ, харидорлар учун бу вазият айни муддао бўлмоқда. Агар ушбу тенденция давом этса, Хитойдаги нархларнинг пасайиши келажакда бошқа мамлакатлардаги Радеон видео карталари қийматига ҳам ўз таъсирини ўтказиши эҳтимоли мавжуд.
“Zamin”ни Telegram'да ўқинг!
