9-май куни соат 05:00 дан бошлаб Москвада байрам тадбирлари муносабати билан мобил интернет ва СМС хизматларига вақтинчалик чекловлар жорий этилди. Россия Рақамли ривожланиш вазирлиги аввалроқ фойдаланувчиларни ушбу ҳолат ҳақида огоҳлантирган эди. Уй шароитидаги Wi-Fi тармоқлари эса одатдаги тартибда ишлашда давом этмоқда. Бу ҳақда Ixbt.com хабар беради.
Пойтахтнинг марказий кўчалари, жумладан Тверская, Моховая, Болшая Никитская, Петровка, Охотний Ряд ва Волхонка кўчалари, шунингдек, Кремл ва Москворетская қирғоқлари транспорт ҳаракати учун ёпилди. Ушбу ҳудудларда 8-майдан бошлаб автотураргоҳлардан фойдаланиш тақиқланган.
Метрополитен фаолиятида ҳам ўзгаришлар кузатилмоқда. Марказдаги бир қатор бекатлар, хусусан, «Охотний Ряд», «Театралная» ва «Александровский сад» фақат кириш ва ўтиш учун очиқ бўлади. Чекловлар байрам тадбирлари якунлангунга қадар амал қилади.
Мобил алоқа ва интернет билан боғлиқ узилишлар нафақат Москвада, балки Екатеринбург, Тюмен, Ростов ва бошқа шаҳарларда ҳам кузатилаётгани ҳақида хабарлар келиб тушмоқда.
“Zamin”ни Telegram'да ўқинг!
