Гигабйте компанияси ўзининг энг ноодатий видеокартаси ҳисобланган Аорус GeForce RTX 5090 Инфинитй 32Г моделини расман намойиш қилди. Аввалроқ унинг ташқи кўриниши ҳақида маълумотлар берилган бўлса, эндиликда қурилманинг тўлиқ техник имкониятлари ва дизайни очиқланди. Бу ҳақда Ixbt.com хабар беради.
Янги видеокарта ўзининг ғайриоддий дизайни билан ажралиб туради. Унинг корпусида асосий вентиляторлар жойлашган иккита йирик чиқиқ мавжуд бўлиб, улар Ҳавк Фан деб номланади. Аслида эса қурилмада учта вентилятор бор: учинчи кичик вентилятор бевосита GPU билан контактда бўлган буғланиш камерасини совутиш учун мўлжалланган. Ушбу совутиш тизими ВиндФорсе ҲйперБурст деб аталади.
Техник жиҳатдан видеокарта 2730 МГтс гача бўлган GPU частотаси ва 32 GB хотира билан жиҳозланган. Қурилманинг ўлчамлари 330 х 145 х 65 мм ни ташкил этади. Шунингдек, модел РGB Ҳало ёритиш тизимига эга.
Ҳозирча ишлаб чиқарувчи видеокартанинг аниқ нархи ва сотувга чиқиш санаси ҳақида маълумот бермади. Шунингдек, қувват тизими ва плата тузилиши бўйича тафсилотлар ҳам сир тутилмоқда.
“Zamin”ни Telegram'да ўқинг!
