Uber узоқ вақтдан бери шунчаки такси хизмати эмас, балки фойдаланувчиларнинг кундалик эҳтиёжларини қондирадиган "супер илова"га айланишни мақсад қилган. Ваймо каби автоном транспорт компанияларининг фаоллашуви Uber'ни бу борада янада тезроқ ҳаракат қилишга ундамоқда. Компания ўз платформасини нафақат транспорт, балки туризм ва харидлар учун ҳам марказий нуқтага айлантиришга интилмоқда. Бу ҳақда Techcrunch.com хабар беради.
Нью-Йоркда бўлиб ўтган ГО-ГEТ тадбирида Uber Эхпедиа Груп билан ҳамкорликда меҳмонхоналарни брон қилиш хизматини ишга туширганини эълон қилди. Эндиликда фойдаланувчилар 700 мингдан ортиқ турар жойларни тўғридан-тўғри илова орқали танлашлари мумкин. Uber Оне обуначилари эса махсус чегирмалар ва кешбэк тизимидан фойдаланиш имкониятига эга бўлишади.
Uber техник директори Правеен Неппалли Нага компаниянинг стратегияси айнан обуначилик моделига асосланганини таъкидлади. Унинг сўзларига кўра, транспорт, овқат етказиб бериш ва меҳмонхона хизматларини бирлаштириш фойдаланувчилар учун ягона экотизимни яратади. Келгусида парвозлар ва молиявий хизматларни ҳам иловага интеграция қилиш режада бор.
Бироқ, бу йўлда рақобат кучли. Airbnb транспорт хизматларини ривожлантириб, Uber'га жавоб қайтармоқда, Elon Musk эса Х платформасини "ҳамма нарса учун илова"га айлантириш устида ишламоқда. АҚШ бозорида фойдаланувчиларни битта иловада ушлаб қолиш қийин вазифа, чунки ҳар бир йўналиш бўйича аллақачон ўз етакчи иловалари мавжуд.
Uber'нинг асосий устунлиги — унинг 199 миллионлик фаол фойдаланувчилар базаси ва уларнинг тўлов маълумотлари аллақачон тизимда мавжудлигидир. Uber Эатснинг жадал ўсиши компаниянинг ушбу стратегияси тўғри эканлигини кўрсатмоқда. Эндиликда компания ўз фойдаланувчиларини янги иловалар юклаб олишдан халос этиб, барча хизматларни битта платформада тақдим этишга ҳаракат қилмоқда.
“Zamin”ни Telegram'да ўқинг!
