Сунъий интеллект технологияларига бўлган талабнинг кескин ортиши тадбиркорларни космосдан маълумотлар марказлари сифатида фойдаланиш ғоясига етакламоқда. Бироқ, бу соҳада асосий муаммо мавжуд: орбитал маълумотлар марказларини жойлаштириш учун ракеталар етишмайди ва уларнинг нархи жуда қиммат. Ҳозирча аксарият компаниялар SpaceX компаниясининг Starship ракетасига умид боғламоқда, бироқ унинг тижорий фойдаланишга топширилиши узоқ вақт талаб қилиши мумкин. Бу ҳақда Techcrunch.com хабар беради.
Ковбой Спасе Корпоратион компанияси ушбу муаммони ҳал қилиш учун ўз ракета дастурини ишлаб чиқишга қарор қилди. Компания Индех Вентурес бошчилигидаги Сериес Б инвестиция босқичида 275 миллион доллар маблағ жалб қилди ва унинг умумий қиймати 2 миллиард долларга баҳоланди. Робиньоод асосчиларидан бири Байжу Бҳатт томонидан ташкил этилган ушбу стартап 2028-йил охиригача илк парвозни амалга оширишни режалаштирмоқда.
Дастлаб Аэтҳерфлух номи билан ташкил этилган компания космосда қуёш энергиясини тўплаш ва уни Ерга узатишни мақсад қилган эди. Бироқ, орбитал маълумотлар марказлари ғояси ва мавжуд ракета ташувчиларнинг танқислиги компанияни ўз ракета дастурини яратишга мажбур қилди. Бҳаттнинг сўзларига кўра, мавжуд ракета провайдерлари кўпинча ўзларининг юкларига устунлик беришади, бу эса ташқи мижозлар учун имкониятларни чеклайди.
Ўз ракетасини ишлаб чиқиш жуда мураккаб ва таваккалчиликка бой жараён ҳисобланади. Ҳозирги кунда Ғарбда SpaceX, Роккет Лаб ва Арианеспасе каби саноқли компанияларгина тижорий ракеталарни муваффақиятли учирмоқда. Ковбой Спасе Корпоратион ушбу қадам билан SpaceX ва Blue Origin каби соҳа гигантлари билан тўғридан-тўғри рақобатга киришмоқда.
“Zamin”ни Telegram'да ўқинг!
