General Motors компанияси ўзининг IT бўлимидаги ходимларнинг 10 фоиздан ортиғини, яни тахминан 600 нафар мутахассисни ишдан бўшатди. Ушбу қарор компаниянинг сунъий интеллект (AI) соҳасидаги салоҳиятини оширишга қаратилган стратегик ўзгаришлар доирасида амалга оширилди. Бу ҳақда Techcrunch.com хабар беради.
Компания вакилларининг таъкидлашича, ушбу қисқартиришлар шунчаки ходимлар сонини камайтириш эмас, балки IT бўлимини келажак талабларига мослаштириш мақсадида қилинган. GM ҳозирда сунъий интеллект, маълумотлар муҳандислиги, булутли технологиялар ва модел ишлаб чиқиш бўйича чуқур билимга эга мутахассисларни фаол равишда изламоқда.
GM эндиликда AI воситаларидан фойдаланувчи ходимлардан кўра, тизимларни нолдан лойиҳалаштира оладиган, моделларни ўқитадиган ва мураккаб AI иш жараёнларини ярата оладиган муҳандисларга устунлик бермоқда. Бу ўзгаришлар компаниянинг автоном транспорт воситалари ва дастурий таъминот соҳасидаги рақобатбардошлигини оширишга қаратилган.
Сўнгги ойларда компания Apple ва Круисе каби йирик технологик корхоналардан тажрибали мутахассисларни жалб қилди. Ушбу қайта ташкил этиш жараёни йирик корхоналарнинг сунъий интеллектни жорий этишда шунчаки янги воситаларни қўшиш билан чекланмай, бутун ишчи кучини тубдан янгилашга ўтаётганини кўрсатади.
“Zamin”ни Telegram'да ўқинг!
