Realme Ватч С5 ақлли соатлари Россияда сотувга чиқди

Россия чакана савдо тармоқларида янги Realme Ватч С5 ақлли соатлари сотуви бошланди. Бу ҳақда маиший техника ва электроника етказиб берувчи йирик компания — диҲоусе матбуот хизмати маълум қилди. Бу ҳақда Ixbt.com хабар беради.

Қурилма учта тугмали дизайнга эга бўлиб, юқоридаги тугмани узоқ босиб туриш орқали сунъий интеллект функцияларига тезкор кириш мумкин. Шунингдек, айланувчи бошқарув элементи интерфейс мавзуларини осон ўзгартириш имконини беради.

Соат 1,43 дюймли АМОЛEД дисплей билан жиҳозланган бўлиб, у 466х466 пикселли аниқлик ва 60 Гтс янгиланиш тезлигини тақдим этади. Гаджет 110 та спорт режими, бешта ГНСС тизимини қўллаб-қувватлайдиган мустақил ГПС ва 5 АТМ сув ўтказмаслик даражасига эга.

Корпус алюминий қотишмасидан тайёрланган мат рамка ва керамик текстурали орқа қопқоқ билан уйғунлашган. 460 мА·соат сиғимли аккумулятор эса қурилманинг 20 кунгача қувватланмасдан ишлашини таъминлайди.

Ҳозирда Россия бозорида Realme Ватч С5 соатлари беж ва тўқ кулранг рангларда, тахминан 11 минг рубл нархида харидорларга тақдим этилмоқда.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг