Смартфонларни «ўлдирувчи» янги вирус тарқалди

  • 30-03-2018, 20:39
  • 1 552
  • Технология
  • Смартфонларни «ўлдирувчи» янги вирус тарқалди
    Фото: «Hi-tech.mail.ru»
    «Trend Micro» компанияси тадқиқотчилари узлуксиз майнинг натижасида смартфонларни ишдан чиқаришга қодир вирус тарқалганини аниқлади. «Hidden Miner» номини олган вирус ёт дўконлар орқали тарқалган дастурнинг ичидан топилган: улар мунтазам фонда ишлайдиган «Monero»ни ишга туширади, деб хабар берди «Хабар» нашри.

    Зарарли дастур фойдаланувчини алдаб, уни дастурга маъмурият аккаунтига кириш учун рухсат беришга мажбурлайди.

    Бу содир бўлиши билан эса дастур ўзининг иконасини менюдан яширади ва шундан сўнг «Monero» майнерини ишга туширади. Бундан ташқари вирус смартфон фойдаланувчиси дастурнинг имкониятини ўзгартиришга ҳаракат қилганида уни блоклай олади.

    Мутахассисларнинг таъкидлашича, «Hidden Miner» кодида ҳеч қандай уланишлар, контроллер ёки оптимизаторлар йўқ. Бу майнинг жараёнини қурилманинг ресурслари тугаб битмагунига қадар тўхтатиб бўлмаслигини билдиради. Бошқача қилиб айтганда, смартфон «Monero»ни «ўлгунича» қўшади — эртами-кеч қурилма қизиб кетади ва бузилади.

    Экспертларнинг сўзларига кўра, вирусни йўқ қилишнинг ягона усули — девайсни хавфсиз режимда ўчириб ёқиш ва администратор аккаунтини зарарланган дастур билан ўчириб ташлаш керак.

    » » Смартфонларни «ўлдирувчи» янги вирус тарқалди