13:25 / 15.11.2018
2 854

Тошкентда Яндекс.Маҳалла хизмати ишга туширилди

Тошкентда Яндекс.Маҳалла хизмати ишга туширилди
Интернет, 15-ноябрь, 2018-йил. Тошкентда Яндекс.Маҳалла хизмати ишлашни бошлади. Бу ерда инсонлар қўшнилар билан ўз тумани янгиликларини муҳокама қиладилар, эълонларни жойлаштиради, яқин-атрофдаги қизиқарли ҳодисалар ҳақида билиб оладилар. Бунгача хизмат фақат Россияда Яндекс.Туман (Яндекс.Раён) номи билан фаолият кўрсатаётган эди.

Тошкент шаҳридаги 11 та туманнинг ҳар бирида фойдаланувчилар маҳаллий янгиликларни ўқиши мумкин бўлган ҳамжамиятлар мавжуд: масалан, кўчанинг нариги юзида дўкон очилиши, спорт тўгарагига танлов ёки чироқ ўрнатилиши ҳақида. Ҳамжамиятларда инсонлар бир-бирлари билан маслаҳатлашадилар ва эълонлар жойлаштирадилар — нарсалар сотадилар, иш қидирадилар, уй ҳайвонларини бошқаларга берадилар. Репетитор, ишчи ёки энагалар қўшниларга ўз хизматларини таклиф қилишлари, тадбиркорлар эса — чегирма, янги товар ва хизматлар ҳақида сўзлаб беришлари мумкин.

Туман ҳокимликлари Яндекс.Маҳаллада ўзларининг расмий ҳисоб қайдномаларини юритадилар, пойтахт ҳокимияти қошидаги Жамоат маслаҳати органи фойдаланувчиларга жавоб бериш учун уларни кузатиб борадилар. Эндиликда Тошкент аҳолисининг маҳаллий муаммолар ҳақида шаҳар ҳукуматига мурожаат қилиши ва сўраши осонлашади, масалан, йўл қачон таъмирланиши ёки болалар боғчаси қачон очилиши ҳақида.

«Тошкент Яндекс.Туман (Яндекс.Раён) Россиядан ташқарида ишлашни бошлаган биринчи шаҳарга айланди. Хизматни Ўзбекистонда ишга тушириш вақтида биз биринчи навбатда маҳаллий аҳоли эҳтиёжларини ҳисобга олдик: масалан, ҳам ўзбек тилида, ҳам рус тилида ёзиш имкониятини қўшдик, шунингдек, майдонларга маҳаллий номларни бердик», — дейди Яндексънинг Ўзбекистондаги ҳудудий директори.

«Яндекс.Туман (Яндекс.Раён) хизмати ишлайдиган шаҳарлар аҳолиси турли саволларни муҳокама қилишади: Новосибирск уйларидаги совуқ иситиш батареяларини, Санкт-Петербургнинг асосий киришига ўрнатилган ахлат тувакларини, Краснодарда очилган тарихий ҳиёбонни ёки Москва шаҳридаги мунитсипиал депутатлар ишини. Бизнингча, Тошкентда ҳам хизмат оммалашади ва қўшнилар онлайн суҳбатларининг асосий жойига айланади», — дейди Яндекс.Туман хизмати раҳбари Татяна Горелик.

Яндекс.Туман (Яндекс.Раён) 2016-йилда пайдо бўлган ва ҳозирда унда ўндан ортиқ шаҳар аҳолиси гаплашмоқда: Москва, Санкт-Петербург, Краснодар ва бошқалар. Хизматнинг ой давомидаги аудиторияси 3,5 миллион фойдаланувчидан ортади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Технология » Тошкентда Яндекс.Маҳалла хизмати ишга туширилди