Янги iPhone’лар лазерли 3D-камера билан жиҳозланади

Apple 2020 йилдан ўз смартфонларига лазерли 3D-камера билан жиҳозлашни режалаштирмоқда, деб ёзади Kun.uz.

Ҳозирда Apple 3D-камералардан қиёфани аниқлаш функцияси учун фойдаланмоқда, улар 25-50 см масофада ишлай олади. Янги камералар лазерли сканер билан жиҳозланади ва 5 метргача масофадан қиёфани аниқлайди.

Агентлик суҳбатдошининг айтишича, Apple Sony компанияси билан янги тизим учун узаткичларни синовдан ўтказиш бўйича музокара олиб бормоқда.

Аввалроқ The Wall Street Journal газетаси ўз манбаларига таяниб 2019 йил кузида тақдим этиладиган янги Apple смартфонларига учта камера ўрнатилиши ҳақида хабар қилганди.

Бундан ташқари, Apple 2020 йилдан суюқ кристалли дисплейлардан воз кечиш ва тўлалигича OLED-экранларга ўтишни режалаштирган. «Замин»ни Telegram’да ўқинг!