20:30 / 25.06.2020
2 229

Porsche 356’дан илҳомланиб яратилган ҳашаматли Hermes Speedster катери тақдим этилди (фото)

Porsche 356’дан илҳомланиб яратилган ҳашаматли Hermes Speedster катери тақдим этилди (фото)
Фото: Carakoom
Seven Seas Yachts компанияси жуда бадавлат инсонлар учун энг ҳашаматли яхталарни ясаш билан шуғулланади. Компаниянинг сўнгги иши — классик Porsche дизайнида яратилган моторли қайиқ бўлди, деб хабар қилади Carakoom.

Ушбу қайиқ Hermes Speedster номини олган. У балиқ овқалаш учун эмас, балки қирғоқ бўйлаб сайр қилиш учун мўлжалланган. Қайиқнинг юнон худоси номи билан аталиши тасодифан эмас. Қадимги Грецияда Гермес тезлик, бойлик, омад ва саёҳат худоси ҳисобланган.

Дизайнерлар 6,75 метрли ушбу қайиқни яратишда классик Porsche 356 моделидан илҳомланган. Катернинг кузов борти ёки ён ойналарига диққат билан қаралса, унинг Porsche’га нақадар ўхшашлигини пайқаш мумкин.

Фото: Carakoom
Капитан ўриндиғи қаршисида қурилмалар панели ва ёғочдан ишланган руль чамбараги жойлашган. Hermes Speedster’га 155 от кучига эга Rotax двигатели ўрнатилган. Компаниянинг маълум қилишича, қайиқнинг инновацион корпуси тўлқинларга минимал даражада қаршилик кўратилишини таъминлайди.

Фото: Carakoom

Фото: Carakoom

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Porsche 356’дан илҳомланиб яратилган ҳашаматли Hermes Speedster катери тақдим этилди (фото)