Фото: Twitter / CARmagazine
Франциянинг Citroen бренди Accor ва JCDecaux компаниялари билан ҳамкорликда шаҳар ичида ҳаракатланиши мумкин бўлган ҳайдовчисиз бошқарилувчи янги транспорт концепциясини тақдим этди. Citroen Autonomous Mobility Vision номини олган транспорт воситаси асосини электр платформа ташкил этиб, унга турли типдаги модулларни осонлик билан ўрнатиш мумкин, деб хабар беради «Korrespondent.net».
Таъкидланишича, Citroen Skate платформаси бурилмасдан туриб, турли йўналишларда ҳаракатланишга қодир, бунга биринчи бор 2016 йилги Женева автосалонида тақдим этилган Goodyear Eagle 360 сферик шиналари концептининг такомиллаштирилиши ҳисобига эришилган.
Ўлчами 2600х1600х510 миллиметр бўлган ҳайдовчисиз бошқариладиган машина электромотор ва бешинчи даражали автоном бошқарув тизими билан жиҳозланган бўлиб, у махсус ажратилган йўлак бўйлаб соатига 25 километр тезликда ҳаракатлана олади.
Фото: Twitter / CARmagazine
Айни вақтида Citroen Skate модуль ўрнатиш мумкин бўлган учта вариантни тайёрлаган.
Биринчиси Sofitel En Voyage Pod номини олган бўлиб, у машҳур Sofitel меҳмонхоналар тармоғи шарафига номланган ва у чамадонлари бор икки—уч кишининг ҳаракатланиши учун мўлжалланган. Транспорт ҳашаматли салонга, ичимлик ва газакларга эга барга, акустик тизим, гаджетларни симсиз қувватлантириш имкониятига эга бўлган.
Фото: Twitter / CARmagazine
Иккинчи модуль Pullman Power Fitness Pod — ҳаракат вақтида спорт билан шуғулланиш учун мўлжалланган бир ўриндиқли шаттл: бунинг учун унда «рақамли тренер» ва тренажёрлар мавжуд бўлиб, унинг ишлаши орқали йўловчи батареяларни қувватлантиради.
Фото: Twitter / CARmagazine
Фото: Twitter / CARmagazine
JCDecaux City Provider номли учинчи модуль шаҳар таксисининг муқобили ҳисобланади. Унда беш киши бўлиб ҳаракатланиш мумкин, ногиронлар аравачасининг тушиб-чиқиши учун қулайликлар бор. Салонида маданий ва туристик объектларга сафарлар уюштиришни режалаштириш учун бир жуфт интерфаол экран, USB-қувватлантиргичлар ўрнатилган.
Фото: Twitter / CARmagazine “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Орзудаги уй — қишда иссиқ, ёзда салқин. Бунга қандай эришиш мумкин?
Путин Хитой талабаларига қандай маслаҳат берди?
Украина президенти маҳбусларни сафарбар қилиш тўғрисидаги қонунни имзолади
Мессининг салкам 1 миллион долларга сотилган салфеткаси ҳақида
Пневматик қуролларни ўз ихтиёри билан топширганлар жавобгарликдан озод этилади
Мансаб пиллапоялари: унга кимлар муносиб?
Путин ва Си Цзиньпин учрашувидаги "ишора" штатларда ваҳима уйғотди