17:39 / 27.05.2022

Бел оғриғининг бир нечта сабаблари ҳамда уни бартараф этиш бўйича тавсиялар

^{Фото: «aif.ru»}
Катта ёшлиларнинг деярли 80 фоизи вақти-вақти билан бел оғриғидан шикоят қилади. Агар иш жараёни ҳаракатсизликни талаб қилса, тез-тез стресс безовта қилса ёки болани қўлда кўтариб юришга тўғри келса, албатта, бел оғриғининг олдини олиш ҳақида билиш қўйиш лозим. «Новий очаг» нашри бу борада синалган бир неча усуллар билан бўлишди.

Эҳтимол, оғриқнинг сабаби ўзингиздадир
Тасаввур қилинг-а, ёши ўттиздан ошган аёлни оиласи, иши ва рўзғор юмушларини ўз ичига олган тўлиқ рўйхати бор. Бу дегани, аёлнинг деярли дам олишга вақти йўқ, у доимо шошади ва асабийлашади. Натижада стресс яллиғланиш жараёнларининг ривожланишига олиб келади, бу кўпинча бел оғриғига сабаб бўлади. Қўшимча равишда, иш кунини компьютерда ўтказиш, спорт билан шуғулланмаслик, етарли миқдорда сув ичмаслик, лекин шу билан бирга қаҳвани ҳаддан ташқари кўп ичиш ҳолатлари кузатилади. Белдаги оғриқдан халос бўлиш учун кундалик одатларни ўзгартириш керак.

Биринчидан, кофеинни ўз ичига олган ичимликлардан воз кечиш жуда муҳим: бу организмнинг сувсизланишига, шу жумладан умуртқа поғонаси орасининг бирикишига олиб келади. Агар ушбу қисм етарли миқдорда суюқликни ўз ичига олмаса, умуртқа поғонаси шикастланиши ва, албатта, оғриқ пайдо бўлиши мумкин. Иккинчидан, кунига камида 8 стакан сув ичиш керак. Учинчидан, организмда рўй бераётган ҳолатларни кузатиб бориш лозим.

Умуртқа поғонасини эҳтиёт қилинг
Умуртқа орасидаги дискни мурабболи ширинлик деб ҳисоблаш мумкин: унинг ичида гелга ўхшаш желатинли суюқлик мавжуд. Бу умуртқа поғонасининг мослашувчанлигини таъминлайдиган ва шикастланишдан ҳимоя қилади. Аммо ёш улғайган сари улар камроқ намликни ўзлаштира бошлайди ва умуртқа заифлашади. Узоқ муддатли жисмоний машқлар, умуртқа поғонасининг ғайритабиий ҳолати ёки жароҳатланиши намликни йўқотишни тезлаштиради ва ички желатинли суюқликнинг камайишига олиб келади. Албатта, ушбу ҳолатда оғриқ кузатилади. Белни ҳимоя қилиш учун оддий қоидаларга амал қилиш тавсия этилади.

Сумкангиз 2,5 килограммдан оғирми? Уни енгиллаштиринг
Кўпчилик деярли бутун умри давомида косметика, ҳужжат, салфетка, атир, бир шиша сув, бир нечта ширинлик, электрон китоб, захира қўлқоплар ва яна бошқа нарсаларни сумкада олиб юради. Аввало сумка ичидаги кераксиз нарсалардан воз кечиш керак. Дўконда сумка танлаётганда, узунлиги созланадиган моделларга устунлик бериш зарур. Агар сумканинг тасмаси жуда узун бўлса, белга юк тушиши ортади. Албатта, енгил сумкаларни сотиб олиш янада яхши. Кўчада кетаётганда, юк бир текисда тақсимланиши учун сумкани ўнг ва чап елка билан алмаштириб туришни унутмаслик керак.

Бир соатдан ортиқ бир жойда ўтирманг
Агар тез-тез бел оғриғи безовта қилса, шифокорга мурожаат қилиш лозим. Агар керак бўлса, яллиғланишга қарши дори-дармонларни қабул қилиш ва оғриқ йўқолганидан кейин уларни қўллашни ташлаб қўйишдан кўра, даволаниш курсини якунлаш муҳим.

Оёқларни стулнинг ғилдиракларига қўйманг
Аёлларнинг офис креслоларида қандай ўтиришини биласизми? Уларнинг аксарияти оёқларини ерга эмас, балки стулнинг ғилдиракларига қўяди. Бу ҳолат бўйин ва елканинг мушакларига қўшимча юк бўлади. Агар куннинг кўп қисми компьютер қаршисида ўтса, тунда белнинг оғриши табиий ҳолат. Креслонинг баландлигини тўғрилаб туриб, оёқларни ерга текис қўйиш керак. Бундан ташқари, ёзиш, ўқиш ёки овқатланаётганда бошни олдинга эгмасликка ҳаракат қилиш лозим. Сабаби оддий: бошнинг вазни 4-5 килограммни ташкил қилади ва у эгилганда бўйнидаги юк икки баробар ортади.

Ён томон билан ухлашни одат қилинг
Агар кўпинча қорин томон билан уйқуга ётилса, умуртқа поғонаси тинчланмайди, балки янада чарчайди ва эрталаб тетик уйғонишнинг имкони бўлмайди. Натижада кун давомида бел оғриғи кузатилади? Кечқурун, ётишда ён томон билан тиззалар орасига текис ёстиқ қўйинг керак, бу белни ҳам дам олишига ёрдам беради.

Баланд пошнали туфлиларда юришни ёқтирасизми? Пресс машқини бажаринг
Бел оғриғи — ҳар куни баланд пошнали туфли киядиган аёлларнинг ҳақиқий муаммоси. Бу пойабзал мувозанатни сақлаш учун белни зўриқишига мажбур қилади. Агар бир вақтнинг ўзида бел мушаклари ва қорин бўшлиғи пресс қилинса, улар умуртқа поғонаси учун таянчга айланади ва камроқ даражада азобланади. Ҳар куни қорин бўшлиғини мустаҳкамлаш машқларини бажаринг ва пошнада 2-3 соатдан кўп юрмасликка ҳаракат қилиш тавсия этилади.

Белда оғриқ борми? Ётишга шошилманг
Аксарият ҳолларда (тахминан 90 фоиз) белдаги оғриқлар мушакларнинг зўриқиши билан боғлиқ ва барча шикоятларнинг фақат 10 фоизи сурункали касалликлар туфайли пайдо бўлади. Бунинг сабабини аниқлаш учун шифокор билан маслаҳатлашиш ва жиддий нарса аниқланмаса, ётишга шошилмаслик керак. Одатий ҳаёт тарзини давом эттириб, кичик ўзгаришлар эътиборли бўлиш муҳим. Оғир нарсаларни кўтармаслик, бел қисмини жуда кўп эгмаслик ва агар бел жуда қаттиқ оғриса, шифокордан махсус корсет тақишни маслаҳатлашиш мумкин.