Инсон 40 ёшдан кейин ҳаёт тарзини ўзгартириши керак

Инсон маълум бир ёшда зарарли озиқ-овқат ва спиртли ичимликларни истеъмол қилиши жиддийроқ оқибатларга олиб келади. Бу ҳақида Россиялик шифокор-терапевт Мария Черняева маълум қилди, дея хабар берди РИА Новости.

Мутахассис маълум қилишича, инсон танаси 40 ёшдан кейин аввалгидан фарқли равишда ишлай бошлайди, чунки органлар ва тўқималарда кўплаб муҳим жараёнлар секинлашади.

"Қоида тариқасида, 40 ёшдан кейин метаболик жараёнлар секинлашади, зарарли моддалар танадан ёмонроқ чиқарила бошлайди, тўқималар тикланади, ферментатив фаоллик пасаяди, инсулин ёмонроқ ишлаб чиқарилади", - дея огоҳлантирди Мария Черняева.

Бу ўзгаришлар натижасида инсон баъзи озиқ-овқатларни, хусусан, ёғли ва ширин таомларни ҳазм қила олмайди, дея қўшимча қилди шифокор.

"Биз энди ёғли овқатларнинг катта қисмини истеъмол қила олмаймиз, масалан, биз кабоб егани хотиржам бора олмаймиз, чунки бундан ошқозон-ичак тракти иши билан боғлиқ нохуш аломатларни оламиз. Биз спиртли ичимликларни истеъмол қилиш оқибатларини шиш, бош оғриғи кўринишида ҳис қила бошлаймиз”, - деб мисоллар келтирди Черняева.

Унинг таъкидлашича, агар ушбу даврда инсон диетани ва турмуш тарзини ўзгартирмаса, унда тана вазни ошиши мумкин.

Мария Черняева ўз сўзида 40 ёшдан ошган ўртача одам ўз диетаси ва турмуш тарзини қайта тиклаши керак, дея хулоса қилди. “Замин” янгиликларини “Twitter”да кузатиб боринг