Коллаген орқали озиш мумкинми? 12 ҳафталик тажрибада кутилмаган натижалар

2 дақиқа ўқиш600
Коллаген орқали озиш мумкинми? 12 ҳафталик тажрибада кутилмаган натижалар
Коллаген — инсон организмидаги энг кўп учрайдиган оқсил тури бўлиб, у тери, суяклар, мушаклар ва боғловчи тўқималарнинг асосий қисмини ташкил этади. Яқинда Испаниялик олимлар коллаген қўшимчаларининг ортиқча вазнга таъсирини ўрганиш мақсадида қизиқарли тадқиқот ўтказишди. Бу тажриба коллагеннинг фақат косметик эмас, балки саломатлик ва вазн бошқаруви борасидаги фойдаларини ҳам очиб бериши мумкин.

Коллагенли батончиклар қандай таъсир қилди?

Тадқиқотда 20 ёшдан 65 ёшгача бўлган ортиқча вазнга эга 64 нафар иштирокчи қатнашди. Икки гуруҳга бўлинган қатнашчилардан бир гуруҳи 12 ҳафта давомида ҳар куни тушлик ва кечки овқатдан 45 дақиқа олдин, бир стакан сув билан коллагенли оқсилли батончик истеъмол қилишди.

Бу батончиклар таркибида:
- 10 грамм гидролизланган коллаген,
- 9 грамм оқсил,
- 7 граммдан ортиқ углевод,
- 3,2 грамм ёғ,
- 2,5 грамм озиқ-овқат толалари,
- Қора шоколад, соя оқсили, сироп ва кунгабоқар ёғи мавжуд бўлган.

Иккинчи гуруҳдаги иштирокчилар эса фақат сув ичишди.

12 ҳафтада икки баробар вазн йўқотиш

Тадқиқот натижаларига кўра, коллагенли батончиклар истеъмол қилган гуруҳ ўртача 3 кг вазн йўқотган, бу эса фақат сув ичган гуруҳнинг натижасидан қарийб икки баробар юқори (1,5 кг). Янада аҳамиятлиси, коллаген истеъмол қилган гуруҳда:

- Қон босими пасайган,
- Жигар фаолияти яхшиланган,
- Мушак массаси сақланган ҳолда вазн йўқотилган.

Бу эса озишдаги энг катта муаммолардан бири — мушакларни йўқотмасликни таъминлаган.

Натижанинг сабаблари — коллагеннинг хусусиятларида

Олимлар бу натижани коллагеннинг ошқозон ҳажмини кенгайтириб, тўқлик ҳиссини кучайтириши, шунингдек, ичак микробиотасига ижобий таъсир кўрсатиши билан изоҳлашмоқда. Коллаген ҳазм бўлиши қийин оқсиллардан бири бўлиб, уни организмда сўрилиши учун кўпроқ энергия сарфланади. Шу сабабли, у метаболизмни фаоллаштириши ва озишга ёрдам бериши мумкин.

Қолаверса, қалин ичакқа етиб боргач, фойдали бактериялар учун озуқа вазифасини бажаради, бу эса яллиғланишни камайтирувчи қисқа занжирли ёғ кислоталарининг ҳосил бўлишига сабабчи бўлади.

Тадқиқотнинг чекловлари ҳам бор

Гарчи натижалар умидбахш бўлса-да, олимлар тажрибанинг кам иштирокчи сони (64 киши) ва қисқа давомийлиги (12 ҳафта) туфайли аниқ хулоса беришдан эҳтиёт бўлиш лозимлигини таъкидлашди. Шунингдек, батончик таркибида нафақат коллаген, балки оқсил, тола, шакар ўрнини босувчи моддалар ва бошқа фойдали компонентлар ҳам мавжуд. Вазн йўқотиш айнан шу моддаларнинг комбинацияси туфайли содир бўлган бўлиши эҳтимоли ҳам бор.

Zamin.uz таҳририятидан хулоса
Коллагенли қўшимчалар озиш жараёнида самарали восита бўлиши мумкин, лекин буни мутахассис назоратида, комплекс ёндашув билан амалга ошириш муҳим. Семизлик — бу фақат овқатланиш эмас, балки гормонлар, руҳий ҳолат ва ҳаёт тарзи билан боғлиқ мураккаб ҳолатдир.

Шунинг учун ҳар қандай қўшимчани — жумладан, коллагенни ҳам — парҳез ёки соғлом овқатланиш стратегиясига қўшишдан олдин шифокор ёки диетолог билан маслаҳатлашиш тавсия этилади.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?