Санитария-эпидемиологик осойишталик агентлиги Жамоатчилик билан алоқалар бўлими Хитой Халқ Республикасида рўйхатга олинган янги турдаги короновирус касаллиги тўғрисида маълумот берди.
Жаҳон Соғлиқни сақлаш ташкилотининг Европа минтақавий буюросининг маълумотларига кўра, Хитой Халқ Республикасида короновируснинг янги типи эпидемияси юзага келган.
Хитойнинг Ухан шаҳар Соғлиқни сақлаш қўмитаси 2019 йил декабрнинг охирида Ухан шаҳар Хубэй провинциясида номаълум этиологияли пневмония касаллиги тарқалганлигини маълум қилган.
Хитой Халқ Республикасининг ҲТСҚ-2005 Миллий координатори маълумотига кўра, 2020 йилнинг 11 январь ҳолатига Ухан шаҳрида 41 та ҳолатда вирусли пневмония касаллиги аниқланган, улардан бир нафари вафот этган, беморларнинг 6 нафари соғайиб шифохонадан чиқарилган.
Беморлар билан мулоқатда бўлган 739 нафар, шулардан 419 нафари тиббиёт ходимлари тиббий назоратга олинган. Ҳозирча улар орасида касаллик аломатлари аниқланмаган.
Миллий координаторнинг маълумоти асосида ҲТСҚ-2005 мезонлари бўйича ушбу касалликнинг халқаро миқёсида тарқалиш хавфи ҳамда халқаро савдо ва саёҳатларга тўсқинлик йўқлиги маълум қилинган.
Эпидемиологик суриштирув натижаларига кўра, айрим касалланган беморлар маҳаллий денгиз маҳсулотлари савдо бозорларида ишлаганлиги аниқланган.
Беморларнинг кўпчилиги юқори тана ҳарорати ҳамда нафас олишга қийналаётганидан шикоят қилган. Кўкрак қафаси рентгенография хулосасига кўра, айрим ҳолатларда беморларнинг ўпкалари шикастланган.
Бугунги кунда касалликнинг одамдан-одамга юқиши аниқланмаган.
Аҳолининг санитария-эпидемиологик осойишталигини таъминлаш, касалликнинг кириб келиши ва тарқалишининг олдини олиш мақсадида Санитария-эпидемиологик осойишталик агентлиги томонидан қуйидаги чора-тадбирлар амалга оширилмоқда:
— Давлат чегараси кесишган жойлардаги Санитария-карантин пунктларидан ўтаётган йўловчиларни сифатли тиббий-санитария кўригидан ўтказиш, айниқса, Хитой Халқ Республикасидан келаётганларга алоҳида эътибор қаратилмоқда;
— пневмония ва бошқа ўткир респиротор касалликлари аломатлари билан аниқланган беморларни алоҳидалаш ва шифохоналарга ётқизиш чоралари кўрилмоқда;
— грипп, ЎРИ ва пневмония касалликларига гумон қилинган беморларни шифохоналарга ётқизиш учун даволаш-профилактика муассасаларининг тайёргарлигини таъминлаш, беморларни даволаш учун дори-дармонлар ва дезинфекцион моддалар захираси яратилди;
— Хитой Халқ Республикасидан келаётган йўловчиларда грипп касаллигининг оғир турларига, ЎРИ ва пневмония касалликларига гумон қилинган беморлар аниқланганда лаборатория ташхисоти учун намуналар олишни ташкил этиш;
— Агентлик мутахассислари томонидан учувчилар, борт кузатувчилар, темир йўл проводникларининг билим савиясини ошириш мақсадида грипп, ЎРИ ва ўткир пневмония касалликларининг клиникаси, лаборатория ташхисоти, профилактик ва эпидемияга қарши чора-тадбирлари тўғрисида семинарлар ўтказилмоқда.
Касалликларнинг республикамизга кириб келиши ва кенг тарқалишининг олдини олиш бўйича олиб борилаётган чора-тадбирлар Санитария-эпидемиологик осойишталик aгентлиги томонидан назоратга олинган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
