2023 yildan yangilangan Captiva va Cadillac sotuvi boshlanadi, Lacetti ishlab chiqarish toʻxtatiladi

Kompaniya taqdim qilgan ma'lumotlarga koʻra, 2023 yildan Captiva va Cadillac importini boshlash koʻzda tutilgan. Ishlab chiqarilishi toʻxtatilayotgan Nexia-3 va Spark oʻrniga boshqa byudjet modellar sotuvi yoʻlga qoʻyilmaydi. Faqatgina 2026 yildan yangi Chevrolet modelini ishlab chiqarish boshlanishi belgilangan, biroq aynan qaysi model ekani noma'lum.

UzAuto Motors’ning sotuvga chiqarilayotgan aktsiyalari anderrayteri hisoblangan Freedom Broker kompaniyaning yaqin kelajakdagi rejalari haqidagi hisobotni e'lon qildi.

Hisobotda keltirilishicha, UzAuto Motors joriy yil oxiridan Nexia-3 va Spark , 2023 yilning oxiridan esa Lacetti-Gentra avtomobillarini ishlab chiqarishni toʻxtatadi. Shu tariqa, faqat avtomat uzatmali varianti 127 mln 145 ming soʻmdan sotilayotgan Cobalt «Oʻzavto»ning eng arzon sedaniga aylanadi.

Oʻz navbatida, 2024 yildan boshlab Oʻzbekistonda ham Cobaltʼning yangilangan versiyasi ishlab chiqarilishi mumkin. UzAuto Motors bu borada General Motors bilan muzokaralar boshlagan.

Kompaniya taqdim qilgan ma'lumotlarga koʻra, yaqin yillar ichida Nexia-3 va Spark oʻrniga boshqa byudjet modellar ishlab chiqarish yoʻlga qoʻyilmaydi. Faqatgina 2026 yilga boribgina hozircha nomi noma'lum boʻlgan yangi Chevrolet modelining sotuvlari boshlanishi mumkin.

Hisobotda keltirilishicha, joriy yilning oxiridan boshlab Trailblazer savdosi ham toʻxtatiladi. Kompaniya rejalarida 2023 yildan Captiva va Cadillac importini boshlash koʻzda tutilgan.

Shuningdek, keyingi yilning oxiridan yangilangan Equinox, 2024 yil oʻrtalaridan esa yangilangan Traverse sotuvlari boshlanishi mumkin. “Zamin” yangiliklarini “Telegram”da kuzatib boring