15:28 / 31.10.2016
9 525

Toshkentda yuz bergan YTHda haydovchi va yo‘lovchi vafot etdi

Toshkentda yuz bergan YTHda haydovchi va yo‘lovchi vafot etdi

31 oktyabr kuni Facebook ijtimoiy tarmog‘idagi “Voditeli Tashkenta” guruhi orqali dahshatli avtohalokat oqibati aks etgan fotosuratlar tarqaldi, deb yozmoqda "Qalampir.uz" sayti.

Guvohlarning aytishicha, halokat 28 oktyabr kuni tongda “Samarqand darvoza” savdo-ko‘ngilochar majmasi oldida yuz bergan.

Ma’lumotlarga qaraganda, yo‘l transport hodisasi “Gazel” yuk tashuvchi mashinasi va “Mercedes-Benz” rusumli avtomobillar o‘rtasida sodir bo‘lgan.

Ular bir-biri bilan yon tomondan to‘qnashib ketgan. Fotosuratlarga e’tibor berilsa, “Mercedes” mashinasi umuman tanib bo‘lmas holga kelib, go‘yo temir-tersak chiqindisiga aylangan. Bu holdan mashina tezligi yuqori darajada bo‘lganini taxmin qilish qiyin emas.

Xabarlarga qaraganda, yengil mashinadagi yo‘lovchilar, haydovchi va yana bir qiz voqea joyida halok bo‘lgan.

Xozircha tegishli idoralar tomonidan bu vazyait yuzasidan rasmiy ma’lumot berilmagan. Yuqorida keltirilgan fikrlar esa guvohlarning so‘zlari ekanini ta’kidlab o‘tish lozim.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Avto » Toshkentda yuz bergan YTHda haydovchi va yo‘lovchi vafot etdi