21:13 / 18.03.2015
9 513

General Motors Rossiya bozoridan ketishini ma’lum qildi

General Motors Rossiya bozoridan ketishini ma’lum qildi
Zamin.uz - AQShning avtomobil ishlab chiqaruvchi General Motors korporasiyasi 18 mart kuni e’lon qilgan matbuot xabarnomasida Rossiya avtomobil bozoridan Opel va Chevrolet brendi modellarining aksariyat qismi to‘laligicha chiqarilishini ma’lum qilgan.

Opel 2015 yil oxirigacha Rossiya bozoridan butunlay chiqib ketadi, ya’ni bu rusumdagi mashinalar savdosi to‘xtatiladi, Sankt-Peterburgda bu rusumdagi mashinalar ishlab chiqarilishi to‘xtatiladi. Chevrolet brendining Corvette, Camaro va Tahoe modellarigina Rossiyada bozorida qoladi. Shuningdek, Cadillac brendi ham savdodan chiqarilmaydi.

GM prezidenti Den Ammanning so‘zlariga qaraganda, “bu qaror juda murakkab uzoq istiqbollarga ega bo‘lgan bozorga katta miqdorda investisiyalar kiritilishining oldini oladi”.

Opel Group bosh direktori Karl-Tomas Noyman esa mamlakatdagi bozor sharoiti yirik investisiyalarni oqlamsligini ta’kidlab o‘tgan.
Sankt-Peterburgdagi avtozavod joriy yilning o‘rtalariga kelib o‘z faoliyatini to‘xtatadi. GM-Avtovaz qo‘shma korxonasi Chevrolet Niva rusumli avtomashinani ishlab chiqarishda davom etadi. Ushbu rusumlardagi avtomashinalar egalari oldidagi majburiyatlarini bajarish uchun korporasiya dilerlik tarmog‘i orqali ishlashni davom ettiradi.

Ma’lumotlarga qaraganda, ayni paytda Rossiya bozorida sotilayotgan rusumlarning deyarli barchasi mamlakatning o‘zidagi korxonalarda ishlab chiqariladi.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Avto » General Motors Rossiya bozoridan ketishini ma’lum qildi
[/banner_pushhouse