Prezidentning Toshkent shahrida ekologik vaziyatni yaxshilashga qaratilgan farmoniga binoan, poytaxtda transport harakati bo‘yicha yangi cheklovlar joriy etiladi. Bu chora-tadbirlar atmosfera havosini tozalash va zararli chiqindilarni kamaytirishga qaratilgan.
Farmonga muvofiq, Toshkent shahrida yuk tashuvchi avtotransport vositalarining harakati vaqtincha cheklanadi. Bu taqiq ayrim kunlarda yoki ma’lum soatlarda kuchga kiradi.
Shuningdek, engil avtomobillar harakati davlat raqamlaridagi toq-juft tartib asosida boshqariladi. Toq sanalarda faqat raqami toq bo‘lgan mashinalar, juft sanalarda esa juft raqamli avtomobillar harakatlanishiga ruxsat beriladi.
Ushbu tartibda elektromobillar istisno etiladi va ular har qanday kunda erkin harakatlanishi mumkin. Bunday yondashuv ekologik toza transport vositalarini rag‘batlantirishga xizmat qiladi.
Maxsus komissiya mazkur tartibni joriy qilish muddatlari va nazorat mexanizmlarini belgilab boradi. Cheklovlarning joriy qilinishi aholining xabardor qilinishi bilan birga amalga oshiriladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
