Yil boshidan buyon oʻzbekistonliklar “inomarka”lar sotib olish uchun qancha mablagʻ sarflashgan?

Oʻzbekistonda yengil avtomobillar importi hajmi 90 million dollardan oshdi. Bundan Davlat statistika qoʻmitasi maʼlumotlari darak beryapti.

Yanvar-fevral oylarida mamlakatga 90,5 mln dollarlik avtomobillar import qilindi, bu oʻtgan yilning yanvar-fevraliga nisbatan qariyb toʻrt baravar koʻp. Taqqoslash uchun, 2018 yil davomida yengil avtomobillar importi 319 million dollarni tashkil etgandi.

Yuk mashinalari importi faqat 66,6%ga oshdi, qishloq xoʻjaligi mashinalari esa qariyb 8%ga kamaydi.

Chet el avtomobillari importining oʻsishi aynan yanvar oyida qimmatbaho xorijiy mashinalarni olib kirish yengillashtirilgani bilan bogʻliq - agar avtomobil 40 ming dollar yoki undan qimmatroq tursa va ishlab chiqarilgan sanasidan ikki yil oʻtmagan boʻlsa, unda unga nol stavkali boj va 20% aksiz soligʻi qoʻllaniladi.

Shuningdek, 1 yanvardan boshlab elektrmobillar olib kirishga nol stavkali boj va nol stavkali aksiz soligʻi oʻrnatildi. “Zamin” yangiliklarini “Telegram”da kuzatib boring