UzAuto Motors zavodlarida eng ko‘p ishlab chiqarilgan avtomobil qaysi?

UzAuto Motors zavodiga uyushtirilgan press-tur chog‘ida UzAuto Motors kompaniyasi bosh direktori vazifasini bajaruvchi Rustam Rajabov zavod tashkil etilganidan buyon turli modellardagi avtomobillar necha donadan ishlab chiqarilgani haqda ma’lumot bergan. Bu haqda Kun.uz nashri xabar bermoqda.

Shu paytgacha konveyer usulida ishlab chiqarilgan avtomobillar ichida shubhasiz «Nexia» modelining dastlabki nusxalari turadi. Bunday avtomobillardan 1 060 715 dona ishlab chiqarilgan.

Qolgan avtomobillar bo‘yicha ko‘rsatkichlar quyidagicha:
«Matiz» — 577 475 dona;
«Damas» — 397 065 dona;
«Lacetti» — 282 770 dona;
«Spark» — 222 201 dona;
«Cobalt» — 213 938 dona;
«Nexia-3» — 107 058 dona;
«Tico» — 90 061 dona;
«Labo» — 12 412 dona. “Zamin” yangiliklarini “Facebook”da kuzatib boring