Moliya vazirligi huzurida Avtomobil yo‘llarini rivojlantirish maqsadli jamg‘armasi tashkil etilgan. Unda to‘planadigan mablag‘lar loyihalash, yo‘l-qurilish ishlarini, shuningdek, umumiy foydalanishdagi avtomobil yo‘llarini rekonstruksiya qilish, kapital va joriy ta’mirlash hamda ekspluatatsiya ishlarini moliyalashtirish uchun yo‘naltiriladi, deb yozmoqda Norma.
Qoraqalpog‘iston Respublikasi Moliya vazirligi, viloyatlar va poytaxt hokimliklari bosh moliya boshqarmalari huzurida esa avtomobil yo‘llarini rivojlantirish hududiy maqsadli jamg‘armalari tashkil etilgan. Ularning mablag‘lari shaharlar va boshqa aholi punktlari ko‘chalarida, xo‘jaliklararo qishloq avtomobil yo‘llarida loyihalash, yo‘l-qurilish, ta’mirlash va ekspluatatsiya ishlarini moliyalashtirish uchun yo‘naltiriladi.
Qabul qilingan hujjat bilan quyidagi tartibni belgilovchi Nizom tasdiqlandi:
- ushbu jamg‘armalar mablag‘larini shakllantirish, boshqarish, maqsadli yo‘naltirish, foydalanish tartibi;
- jamg‘armalarning daromadlari va xarajatlari prognozini ko‘rib chiqish va tasdiqlash tartibi;
- mablag‘lardan foydalanish hisobi va nazorat qilish tartibi.
Respublika va hududiy jamg‘armalar mablag‘larini boshqarish uchun alohida tuzilmalar tashkil etildi:
- Moliya vazirligi markaziy apparatida – 10 shtat birligidan iborat boshqarma;
- hududiy moliya boshqarmalari tarkibida – 2 nafar xodimdan iborat sektorlar.
Bundan tashqari, avtomobilga yonilg‘i va gaz quyish stansiyalari tomonidan avtomobil benzini, dizel yonilg‘isi, suyultirilgan va siqilgan gazni oxirgi iste’molchilarga realizatsiya qilishda yonilg‘i birligi uchun 25 so‘mdan ortiq bo‘lmagan miqdorda mintaqaviy yo‘llarni rivojlantirishga maxsus yig‘im miqdorlari masalasi bo‘yicha jamoatchilik muhokamasini o‘tkazish mexanizmi aniqlashtirildi.
Yig‘imlar miqdorining jamoatchilik muhokamasi uchun hududiy hokimliklar har yili 1 aprelga qadar:
- QHTBT portalida tegishli qaror loyihasini joylashtiradi;
- o‘zlarining rasmiy veb saytlari va ijtimoiy tarmoqlar, xususan, hududiy TV orqali yoritadi, gazeta va jurnallarda chop etadi;
- jamoatchilik fikrini o‘rganish bo‘yicha maxsus tashkilotlar bilan shartnomalar tuzadi.
Jamoatchilik muhokamasi natijalari kamida ikki oy o‘rganiladi. O‘rganish yakunlariga ko‘ra, hududiy hokimliklar o‘z takliflarini tayyorlaydi hamda 15 iyunga qadar xalq deputatlari Kengashlari navbatdagi sessiyasiga taqdim etadi. Ular tomonidan ma’qullangandan so‘ng tegishli hokimlik yakuniy qaror qabul qiladi.
Hujjat 5.03.2020 yildan kuchga kirdi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
AQSH rasmiylari: Millionlab amerikaliklar xitoylik hakerlar hujumiga uchragan
Rossiya Ukrainaning harbiy dron yig‘uv inshootlarini yo‘q qildi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi