Polsha Belarus bilan chegarada uzunligi 60 kilometrli devor qurdi

^{Foto: Reuters}
Polsha bugunga qadar Belarus bilan chegarada uzunligi 60 kilometrli devor qurdi. Qurilish ishlari reja bo‘yicha ketmoqda va iyun oxirida yakunlanishi kutilmoqda, dedi Polsha chegara xizmati vakili.

Polsha-Belarus chegarasining uzunligi 418 kilometr bo‘lib, uning 186 kilometri quruqlikdan o‘tgan.

O‘tgan yil yoz oxiri va kuzda chegaradagi vaziyat keskinlashgandi. Inqirozli hududlardan Belarusga kelgan minglab migrantlar Yevropa ittifoqiga noqonuniy ravishda o‘tishga uringandi.

Oxirgi haftalarda kunlar isishi bilan chegarani noqonuniy kesib o‘tishga urinishlar soni yana oshdi. Chegarachilarning ma’lumot berishicha, juma kuni 76 kishi Belarusdan Polshaga o‘tishga harakat qilgan. “Zamin”ni Telegramʻda oʻqing!