Tojikistondagi Tog‘li Badaxshon muxtor viloyatining Xorug‘ shahrida 14 may kuni bir necha yuzlab aholi norozilik aksiyasiga chiqib, viloyat rahbari Alisher Mirzonabot va Xorug‘ meri Rizo Nazarzodaning iste’fosini talab qildi, deb xabar bermoqda «Gazeta.uz». Ular, shuningdek, Xorug‘dagi barcha blokpostlar olib tashlanishini va Badaxshon aholisini ta’qib qilish to‘xtatilishini talab qildi.
Bundan tashqari, miting ishtirokchilari Gulbiddin Ziyobekov (u 2021 yil noyabrida xavfsizlik kuchlarining maxsus operatsiyasi chog‘ida o‘ldirilgan)ning o‘limida aybdorlar javobgarlikka tortilishini, Amriddin Alovatshoyev, Chorshanbe Chorshanbiyev va noyabrdagi noroziliklardan keyin qo‘lga olingan viloyatning boshqa fuqarolari ham ozod etilishini talab qildi. Namoyishchilar ularning talablari bajarilmasa, yana norozilik aksiyasiga to‘planishini da’vo qildi.
Viloyat prokuraturasi miting tashkilotchilariga terrorizm haqidagi ish bilan tahdid qildi, bu haqda «Bomdod» viloyat prokurori Parviz Orifzodaning mahalliy televideniye orqali bergan bayonotiga tayanib xabar berdi. Idora vakili mitingni mamlakatda xavfsizlikka putur yetkazish maqsadida Barxorug‘ mitti tumanining «norasmiy yetakchisi» Mamadbokir Mamadbokirov, Muhiddin Kabiriy va Alim Sherzamonov tomonidan tashkillashtirilgan «noqonuniy aksiya» deb atadi.
Prokuraturada ma’lum qilishlaricha, hukumat ushbu xatti-harakatlarni terrorizm deb baholaydi va ularga tegishlicha javob ko‘rsatadi. Orifzoda qayd etishicha, agar Mamadbokirov va uning tarafdorlari yangi namoyishlarni tashkillashtirishga urinsa, hukumat ushbu intilishlarni terrorchilik harakatiga urinish sifatida qattiqqo‘llik bilan to‘xtatadi.
Tog‘li Badaxshon muxtor viloyatidagi vaziyat so‘nggi kunlarda sudlar aktivist Amriddin Alovatshoyevni 18 yil koloniyaga va MMA jangchisi Chorshanbe Chorshanbiyevni 5,5 yil ozodlikdan mahrum qilishga hukm qilganidan keyin murakkablashdi.
Hukumat iste’foga chiqish masalasini ko‘rib chiqishdan bosh tortdi, shu tufayli 16 may kuni mahalliy yoshlardan iborat katta guruh viloyat ma’muriyati tomonga qarab yo‘l oldi. Chinoq qishlog‘i yaqinida ularni Tojikiston xavfsizlik kuchlari idoralari xodimlari qarshi oldi, deb yozadi mahalliy OAVlar.
Badaxshon huquq-tartibot organlari xodimlari norozilik namoyishi ishtirokchilariga qarshi rezina o‘qlar va ko‘zni yoshlantiruvchi gaz qo‘lladi. Bir necha kishi jabrlangani aytilmoqda.
OAVlarga ko‘ra, shaharda internet o‘chirib qo‘yilgan. Tojikiston xavfsizlik kuchlari Xorug‘dagi markaziy maydonlarga olib boruvchi barcha yo‘llarni to‘sib qo‘ygan. Shahardagi asosiy ko‘prik, shuningdek, Shoshxorug‘ mitti tumanidagi ko‘prik ham qurshovga olingan. «Bomdod» huquq-tartibot organlariga tayanib yozishicha, aksiyada 200 ga yaqin kishi qatnashgan.
So‘nggi ma’lumotlarga ko‘ra, namoyishlar chog‘ida jangovar o‘qlar uzilishi oqibatida Xorug‘ fuqarosi halok bo‘lgan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Putin Xitoy talabalariga qanday maslahat berdi?
Orzudagi uy — qishda issiq, yozda salqin. Bunga qanday erishish mumkin?
Ukraina prezidenti mahbuslarni safarbar qilish to‘g‘risidagi qonunni imzoladi
Mansab pillapoyalari: unga kimlar munosib?
Pnevmatik qurollarni o‘z ixtiyori bilan topshirganlar javobgarlikdan ozod etiladi
Eron prezidentini olib ketayotgan vertolyot halokatga uchradi
Messining salkam 1 million dollarga sotilgan salfetkasi haqida
