«Osiyo NATOsi» tuziladimi?

^{Foto: NOI.md}
AQSH Hind-Tinch okeani mintaqasida qarama-qarshiliklar kuchayib, sovuq urush paydo bo‘lishini istamaydi. Bu haqda AQSH mudofaa vaziri Lloyd Ostin bayonot berdi.

«Shuni yaxshi bilib olishingiz kerak, biz qarama-qarshiliklar yoki nizolarga intilmayapmiz. Sovuq urush bo‘lishiniyam, Osiyo NATOsi tashkil etilishi yoki mintaqaning dushman bloklarga bo‘linib ketishiniyam istamaymiz», — dedi Pentagon rahbari.

Uning aytishicha, AQSH mintaqada o‘z manfaatlarini qat’iy himoyalashda davom etadi. Biroq bu tafovutlarni ko‘paytirish emas, balki xavfsizlikni mustahkamlash, hamkorlikni kengaytirish yo‘nalishida bo‘ladi. “Zamin”ni Telegramʻda oʻqing!