Jinoiy guruhdan musodara qilingan qurollar / Foto: DW
Ukrainadagi urush fonida uyushgan jinoyatchilikning o‘sishiga qarshi kurashish uchun YEI Moldova bilan birgalikda ichki xavfsizlikni qo‘llab-quvvatlash markazini ishga tushiradi.
Yevropa ittifoqi mafiya va turli jinoiy guruhlar, xuddi Yugoslaviyadagi harbiy mojaro paytida bo‘lgani kabi, Ukrainadan qurol-yarog‘ olishi mumkinligidan xavotir bildiradi. Bu haqda ichki ishlar bo‘yicha yevrokomissar Ilva Yoxanson ma’lum qildi. Uyushgan jinoyatchilikning o‘sishiga yo‘l qo‘ymaslik uchun Yevrokomissiya Moldova hukumati bilan birgalikda respublikaning ichki xavfsizligi va chegaralarini boshqarish bo‘yicha yordam markazini ishga tushirdi. Bu haqda Yevrokomissiyaning 11 iyul, dushanba kuni chop etilgan press-relizida aytiladi.
Yoxanson Yugoslaviyadagi urushdan keyin uyushgan jinoiy guruhlar tomonidan urush zonalaridan noqonuniy olib chiqib ketilgan qurollarning noqonuniy savdosi muammosi Yevropada saqlanib qolayotganini eslatdi. Ukrainadagi urush bilan buning takrorlanishining oldini olish uchun Yevrokomissiya Moldova bilan chegaradosh hududda maxsus markaz yaratishga qaror qildi.
«Rossiyaning bosqinchilik urushi Yevropa ittifoqida ham, Moldovada ham ichki xavfsizlikka tahdidlarning kuchayishiga olib keldi. Moldova o‘zining geografik joylashuvi tufayli Rossiyaning Ukrainaga bostirib kirishining jinoiy va xavfsizlik oqibatlarini boshqarishda muhim rol o‘ynaydi», deyiladi Yevrokomissiya bayonotida.
Markaz Yevropa ittifoqining huquqni muhofaza qilish va chegara nazorati sohasida yordamini muvofiqlashtiradi, mavjud chegara nazorati mexanizmlarini, jumladan, Yevropol va Yevropa ittifoqining tashqi chegara xavfsizligi agentligi (Frontex) orqali ishlab chiqadi.
Bosh ofis Kishinyovda joylashgan bo‘lib, u yerda Yevropa ittifoqi mamlakatlari huquq-tartibot idoralari va ichki ishlar sohasidagi Yevropa agentliklari vakillari tez orada ish boshlaydilar, deyiladi Yevrokomissiya bayonotida. «Markaz Moldova bilan uyushgan jinoyatchilik, jumladan, qurol-yarog‘ savdosi yoki odam savdosi bilan bog‘liq muammolarni hal qilish bo‘yicha qo‘shma operativ harakatlarimizni kuchaytiradi. Bu Moldovaga bizning va Yevropa ittifoqining ichki xavfsizlik vositalarida ishtirok etishiga ham yordam beradi», dedi Yoxanson.
Ukrainadan kelgan qochqinlar soni ortgan taqdirda Kishinyovdagi muvofiqlashtiruvchi markaz alohida rol o‘ynaydi, dedi Yoxansson. Yevropa ittifoqqa urush zonalaridan qochganlar soni urushdan oldingi darajaga qaytdi, dedi u. «Ammo muammo shundaki, hech kim Putin nima qilishini oldindan aytib bera olmaydi», deydi Yoxansson.
Chexiya ichki ishlar vaziri Vit Rakushan ham qochqinlar inqirozining kuchayishiga tayyorgarlik ko‘rishga chaqirdi. «Biz hammamiz vaziyat yaxshilanishiga umid qilamiz, biroq haligacha urush tugashini ko‘rmayapmiz», — deya uning so‘zlarini keltiradi RND. Ba’zi davlatlar allaqachon burilish nuqtasiga yetib borgan va qo‘shimcha yordamga muhtoj, deya eslatdi u.
Avstriya ichki ishlar vaziri Gerxard Karnerning aytishicha, Ukrainadan qochqinlarni YEIga qabul qilishning jadallashgani Afrikadagi kontrabandachilar undan odamlarni jo‘natish yo‘llarini reklama qilish uchun foydalanib, mijozlarga «Yevropa ochiq» deb va’da berishiga olib kelgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
AQSH harbiylari orasida o‘z joniga qasd qilish ko‘paydi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Ayrim boshqaruv servis kompaniyalari shartnomalarida asossiz shartlar belgilangani aniqlandi
Shols va Putin o‘rtasidagi suhbat Kiyevga signal bo‘ldi
