Yevrokomissiya yevrohududda rekord darajadagi inflyatsiyani prognoz qilmoqda

^{Foto: Picture Alliance}
Ukrainadagi urush va energiya tashuvchilarga yuqori narxlar fonida Yevrokomissiya yevrozonada rekord darajadagi yuqori inflyatsiyani kutmoqda - yiliga o‘rtacha 7,6 foiz. Bu haqda YEI komissiyasining 14 iyul, payshanba kuni chop etilgan yozgi prognozida aytiladi. Bahorgi prognozda, may oyida inflyatsiya darajasi 6,1 foizni tashkil etgandi.

Umuman Yevropa ittifoqida ekspertlar narxlarning avvalgi 6,8 foiz o‘rniga 8,3 foizga oshishini taxmin qilmoqda. Shu bilan birga, 2023 yilda inflyatsiya, Yevrokomissiya ma’lumotlariga ko‘ra, deyarli ikki baravar kamayishi kerak: yevrohududda o‘rtacha 4 foizgacha va butun Yevropa ittifoqida 4,6 foizgacha.

Iqtisodiy o‘sish bo‘yicha, Yevrokomissiya 2022 yilda Yevropa ittifoqi iqtisodiyoti 2,7 foizga o‘sishini taxmin qilishda davom etmoqda. Yevrohudud 2,6 foizga o‘sishi kutilmoqda, bu may oyidagi prognozdagi mos ko‘rsatkichdan biroz kamroq (2,7 foiz).

Biroq, 2023 yil uchun Yevropa ittifoqi komissiyasi o‘z prognozlarini pastga qarab qayta ko‘rib chiqdi. Yevropa ittifoqida umumiy o‘sish 1,5 foiz, yevrohududda esa 1,4 foiz bo‘lishi kutilmoqda. May oyida iqtisodchilar Yevropa ittifoqida ham, yevro hududida ham 2,3 foizni kutishgan. Prognoz qilingan qiymatlarning sezilarli darajada pasayishi sabablaridan biri energiya bozorlaridagi vaziyat bo‘lib qolmoqda. “Zamin” yangiliklarini “Vkontakti”da kuzatib boring