AQSH “Sharq-2022” harbiy mashg‘ulotlaridan xavotirda

Rossiya Mudofaa vazirligi bayonotiga ko‘ra, bugun boshlangan “Sharq-2022” mashg‘ulotlarida 14 davlatdan harbiy xizmatchilar va harbiy kuzatuvchilar ishtirok etmoqda.

Oq uy matbuot kotibi Karine Jan-Per Hindistonning Rossiyadagi “Sharq-2022” mashg‘ulotlarida ishtirok etishidan xavotir bildirdi.

Kundalik matbuot anjumanida Hindistonning “Sharq-2022” mashqlaridagi ishtiroki haqidagi savolga Jan-Per shunday dedi:
“Rossiya Ukrainaga qarshi shafqatsiz urush olib borayotgan bir paytda, AQSH ruslar bilan mashg‘ulotlarda qatnashayotgan har qanday davlatdan xavotirda. Lekin, albatta, har kim o‘z qarorini qabul qilishda erkindir”.

Jan-Per nega Qo‘shma Shtatlar Hindistonga ushbu mashg‘ulotlarda qatnashmaslik uchun bosim o‘tkazmadi, degan savolga javob berishdan bosh tortdi.

Rossiya Mudofaa vazirligi bayonotiga ko‘ra, bugun boshlangan “Sharq-2022” mashg‘ulotlarida Rossiya, Xitoy, Hindiston va Ozarbayjon kabi 14 davlatdan harbiy xizmatchilar va harbiy kuzatuvchilar ishtirok etmoqda. “Zamin”ni Telegramʻda oʻqing!