Fojia joyiga xorij harbiy attashelari taklif etilgan. Ozarbayjonning Xojavand tumani Edilli qishlog‘ida ommaviy qabrlar topildi. Bu haqda mamlakat prezidentining yordamchisi Hikmat Hojiyev ijtimoiy tarmoq orqali ma’lum qildi.
Ommaviy qabrlar 30 yil avval Ozarbayjon va Armaniston o‘rtasida kechgan Birinchi Qorabog‘ urushiga oid ekani aytilmoqda. H.Hojiyevga ko‘ra, Edilli qishlog‘idan topilgan jasadlar qiynoqlar orqali o‘ldirilgan va hozirga qadar daraksiz yo‘qolgan deb kelingan ozarbayjon askarlariga tegishlidir.
AZERTAC axborot agentligi Ozarbayjonda ro‘yxatdan o‘tgan xorijiy diplomatik vakolatxonalar harbiy attashelari Edilliga borib, ommaviy qabrlarni ko‘zdan kechirgani haqida xabar qildi.
Qariyb 30 yil ishg‘ol ostida bo‘lgan Xojavand tumani 2020 yilning kuzida, Ikkinchi Qorabog‘ urushi yakunida Ozarbayjon qurolli kuchlari tomonidan ozod qilingan. So‘nggi oylarda hududdan bir necha ommaviy qabrlar topilgan.
Xalqaro qizil xoch qo‘mitasi ma’lumotlariga ko‘ra, 1990-yillardagi Qorabog‘ urushi davrida 4000 ga yaqin Ozarbayjon fuqarosi bedarak yo‘qolgan. Boku Yerevandan o‘z fuqarolari dafn etilgan hududlarni ochiqlashni talab qilib keladi.
Edilli qishlog‘ida ommaviy qabrlar topilishi munosabati bilan Ozarbayjon diasporalari tashkilotlari BMT, Yevropa Kengashi va boshqa tashkilotlarga murojaat yo‘llab, holatni xalqaro huquq me’yorlariga ko‘ra baholashga chaqirgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
D vitamini dozasini oshirib yuborishning xavfli oqibatlari
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Pentagon mayori AQSH Isroilni qo‘llab-quvvatlagani uchun iste’foga chiqdi
Surxondaryo viloyatida ayiq IIB xodimiga jarohat yetkazdi
Kolumbiya prezidenti Netanyaxuni hibsga olishga chaqirdi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Prezident Mirziyoyev Osiyo xotin-qizlari forumi qatnashchilariga tabrik yo‘lladi
Yaponlarning yaxshi odati
