Saudiyalik jurnalist AQSh Zelenskiyni qanday aldaganini aytib berdi

Amerika Qoʻshma Shtatlari Ukrainani NATOning bir qismi boʻlishga undadi va Zelenskiy alyansga tezlashtirilgan tarzda kirish uchun ariza berganida, Vashington buni keyinga qoldirdi. Bu haqda RIA Novosti “Asharq Al-Awsat” sharhlovchisi Savsan ash-Shaerga tayanib, xabar berdi.

“Vashington Moskva bunga koʻz yummasligini bilib, Kievni NATOga a'zo boʻlishga da'vat qila boshladi. Merkel oʻshanda Ukrainani alyansga qabul qilishga qarshi edi (u amerikaliklarning yashirin niyatlarini tushungan boʻlsa kerak), lekin hech kim unga quloq solmadi. Kiev oʻz-oʻzidan turib oldi va Bayden ma'muriyati buni qoʻllab-quvvatladi”, - deydi Savsan ash-Shaer.

“Asharq Al-Awsat” sharhlovchisining ta'kidlashicha, Zelenskiyning oʻzi NATOga qoʻshilish maqsadida qat'iy turib oldi va uning tanlovi Ukraina uchun ogʻir oqibatlarga olib keldi.

“Yaqinda Zelenskiy NATOga tezda qoʻshilish uchun ariza berdi. U tashkilotdagilar ochiq koʻngillik bilan qabul qilishlarini oʻylagandi, ammo natija qanday boʻldi? Amerika hozir buni vaqti emasligini aytdi! Jiddiy? Aslida, AQSh uni NATOga kirishga undamaganmidi? Nega endi vaqti emas”, - deb soʻraydi sharhlovchi.

Shuningdek, Savsan ash-Shaer alyans Rossiya bilan hozir ham, keyin ham toʻgʻridan-toʻgʻri qarama-qarshilikka kirishishni rejalashtirmagani uchun NATOga a'zolik arizasi yaqin kelajakda ma'qullanmaydi, degan fikrga qoʻshiladi.

Eslatib oʻtamiz, avvalroq Ukraina prezidenti Vladimir Zelenskiy NATOga a'zo boʻlish uchun tezkorlik bilan ariza berayotganini ma'lum qilgandi. Uning bayonoti Vladimir Putin va DXR, LXR, Zaporoje va Xerson viloyatlari rahbarlari hududlarni Rossiyaga qoʻshib olish toʻgʻrisidagi bitimlarni imzolaganidan soʻng yangradi.

AQSh prezidentining milliy xavfsizlik boʻyicha yordamchisi Jeyk Sallivanning ta'kidlashicha, Ukrainani harbiy blokka qabul qilish tartibi endi oʻtib ketgan. Tashkilot bosh kotibi Yens Stoltenberg alyans oʻz kuchlarini Kiev hukumatiga oʻzini himoya qilishda yordam berishga qaratishini bildirdi.

Kreml matbuot kotibi Dmitriy Peskovning soʻzlariga koʻra, Rossiya bu vaziyatni diqqat bilan kuzatib bormoqda. Shuningdek, u “Ukrainaning NATOga yoʻnaltirilgani va Ukrainaning kelajakda alyansga a'zoligini tasdiqlashi maxsus harbiy operatsiya sabablaridan biriga aylanganini” aytdi. “Zamin” yangiliklarini “Telegram”da kuzatib boring