Shvetsiya apellyatsiya sudi rossiyalik tadbirkor Oleg Deripaskaning 2005 yil Kombinat Aluminijuma Podgorica (KAP) alyuminiy zavodi va Niksic Bauxite Mine boksit konlari bilan bog‘liq boksit korxonasini xususiylashtirish bo‘yicha arbitraj qarorini bekor qilish to‘g‘risidagi da’vosi bo‘yicha Chernogoriya foydasiga qaror chiqardi. Bu haqda juma kuni Chernogoriya Iqtisodiyot va turizm vazirligi ma’lum qildi.
2016 yil dekabrida Deripaska Chernogoriya ustidan jismoniy shaxs sifatida sudga murojaat qilib, mamlakat rasmiylarini uning aktivlarini noqonuniy ekspropriatsiya qilishda ayblagan. 2017 yil oktabr oyida Stokgolmdagi Xalqaro arbitraj sudi Deripaskaning Chernogoriya hukumatiga KAR alyuminiy eritish zavodiga yo‘qotilgan sarmoyalari uchun 600 million yevro miqdoridagi kompensatsiya talabini rad etdi.
2019 yilda ushbu sud Rossiya Federatsiyasi va Yugoslaviya Federativ Respublikasi (2003 yilgacha Serbiya va Chernogoriya birlashgan davlati) hukumatlari tomonidan tuzilgan investitsiyalarni himoya qilish to‘g‘risidagi bitimni Chernogoriyaga nisbatan qo‘llanilmaydi, deb tan olib, rossiyalik tadbirkorning da’vosini yana rad etdi. Shu munosabat bilan sud Deripaskaning qonuniy so‘rovlari bo‘yicha keyingi qaror qabul qilishdan bosh tortdi va tadbirkorga Chernogoriyaga 1,6 million yevro miqdoridagi sud xarajatlarini qoplashni buyurdi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
