Qozogʻistonda navbatdan tashqari prezident saylovi boʻlib oʻtmoqda

Qozogʻistonda navbatdan tashqari prezident saylovi boʻlib oʻtmoqda, deya yozadi Sputnik Qozogʻiston.

Yakshanba kuni mahalliy vaqt bilan soat 07:00 da mamlakatning aksariyat hududlarida saylov uchastkalari ochilgan. Respublika boʻylab jami 10 mingdan ziyod uchastkalarda ovoz berish mumkin boʻladi.

Amaldagi davlat rahbari Qasim-Jomart Toqaev saylovda oʻz ovozini berishga ulgurdi.

Qozogʻistonda prezident saylovi 2024 yilda boʻlib oʻtishi kerak edi. Biroq Toqaev 1 sentyabr kuni xalqqa yoʻllagan murojaatida muddatidan oldin prezident saylovi boʻlib oʻtishini e'lon qildi. Shuningdek, u prezidentning vakolat muddatini 7 yillik bir muddat bilan cheklashni taklif qilgan edi. Qayta saylanish taqiqlanadi.

Mamlakat Markaziy saylov markazi olti kishini prezidentlikka nomzod sifatida roʻyxatdan oʻtkazgan. Ular orasida amaldagi prezidenti Qasim-Jomart Toqaev ham bor. U Xalq koalitsiyasidan nomzod sifatida ilgari surilgan. “Zamin” yangiliklarini “Telegram”da kuzatib boring