Turkmaniston prezidenti amakivachchasini bardagi mushtlashuvi uchun ishdan bo‘shatdi

^{Foto: Turkmen.news}
Serdar Berdimuhamedov yaqin qarindoshi Ahmet Geldimurodovni o‘ta mast holda prokurorni urgani uchun yuqori lavozimdan bo‘shatgan.

Turkmaniston prezidenti Serdar Berdimuhamedov amakivachchasi Ahmet Geldimuradovni «Turkmengaz» davlat konserni raisi o‘rinbosari lavozimidan ozod qildi. Sababi — Ashxoboddagi barlardan biridagi mushtlashuv.

Geldimuradov barda o‘ta mast holatda yuqori lavozimli prokurorning boshiga shisha bilan tushirgan. Turkmen.news xabariga ko‘ra, voqea taxminan bir oy oldin sodir bo‘lgan.

Mushtlashuv muassasa ichidagi videokuzatuv kameralariga tushib qolgan. Manbaning aytishicha, keyinchalik video prezident va uning otasi Gurbanguli Berdimuhamedovga ko‘rsatilgan. Oradan ko‘p o‘tmay janjalchi ishdan bo‘shatib yuborilgan. Ma’lum qilinishicha, endi u oilasi bilan dam olish uchun Dubayga jo‘nab ketgan.

Xabarda ta’kidlanishicha, Ahmet Geldimuradovni lavozimga tayinlash yoki lavozimidan ozod etish to‘g‘risida birorta ham rasmiy farmon e’lon qilinmagan. Ammo 2021 yil oktabr oyida Tehronda o‘tkazilgan Turkmaniston-Eron iqtisodiy qo‘shma komissiyasi ishtirokchilari ro‘yxatida Ahmet Geldimuradov «Turkmengaz» davlat konserni raisi o‘rinbosari sifatida ko‘rsatilgan.

Ahmet Geldimuradov sobiq prezident Gurbanguli Berdimuhamedovning kichik singli Myahri Berdimuhamedovaning o‘g‘lidir. Uning Malayziyada tahsil olgani ma’lum. “Zamin” yangiliklarini “Telegram”da kuzatib boring