NYT Rossiyaning Buchadagi harakatlari bo‘yicha videosurishtiruv e’lon qildi

^{Foto: DW}
Amerikaning The New York Times gazetasi Bucha shahrida rossiyalik harbiylar tomonidan shaharni bosib olish paytida sodir etilgan jinoyatlar haqida yarim soatlik videosurishtiruvni e’lon qildi.

Surishtiruv jarayonida guvohlarning so‘zlaridan, hujjatlardan, guvohlar yoki dronlar tomonidan olingan videotasvirlardan, shuningdek, telefon suhbatlari yozuvlaridan foydalanilgan.

Ushbu yozuvlardan birida rus askari qo‘mondonning tinch aholini o‘ldirish buyrug‘i haqida gapiradi. Boshqalarida so‘roqlar qanday o‘tkazilayotganini eshitish mumkin.

NYT 234-gvardiya Qora dengiz havo hujumi polkining 22 nafar harbiy xizmatchisi shaxsini aniqlashga muvaffaq bo‘ldi, ular jasadlarning aksariyati Rossiya Qurolli kuchlari Buchadan chekinganidan keyin topilgan Yablonskaya ko‘chasida halok bo‘lganlarning telefonlaridan Rossiyaga qo‘ng‘iroq qilishgan.

Surishtiruv mualliflarining ta’kidlashicha, Rossiya qo‘mondonligi tinch aholi muntazam ravishda o‘ldirilishidan bexabar bo‘lishi mumkin emas edi.

Shu tariqa, qirg‘in sodir etilgan joylar yaqinida olingan bir nechta videoyozuvlarda «o‘rtoq polkovnik» deb murojaat qilingan shaxsni ko‘rish mumkin. Jurnalistlarning fikricha, bu 234-polk komandiri Artem Gorodilovdir. “Zamin” yangiliklarini “Telegram”da kuzatib boring