AQSH Ukrainaga 3 mlrd dollarlik rekord darajadagi yangi harbiy yordam paketini ajratdi

^{Foto: AFP 2022 / DELIL SOULEIMAN}
Oq uy, kutilganidek, Kiyevga yangi harbiy yordam paketini e’lon qildi. U Ukraina Qurolli Kuchlarining uzoq muddatli harbiy salohiyatini mustahkamlash va modernizatsiya qilish uchun 225 million dollarni o‘z ichiga oladi. 682 million dollar NATO sharqiy qanotidagi Amerika ittifoqchilariga qurol sotib olish uchun yuboriladi. Harbiy yordamning umumiy miqdori rekord darajadagi 3 milliard dollarni tashkil qiladi.

Oq uy matbuot kotibi Karin Jan-Per matbuot anjumanida «AQSH 3 milliard dollardan ortiq yangi harbiy yordamni e’lon qilish orqali Ukrainaning o‘zini himoya qilish qobiliyatini ta’minlash bo‘yicha davomli majburiyatini namoyish etadi» dedi.

Uning ta’kidlashicha, 2,8 milliard dollar mablag‘ to‘g‘ridan-to‘g‘ri Pentagon zaxirasidan ajratiladi. Yordam paketiga, xususan, Bradley piyodalar jangovar mashinalari va o‘ziyurar gaubitsalar kiradi. Oq uy Milliy xavfsizlik kengashining strategik aloqalar bo‘yicha koordinatori Jon Kirbi so‘zlariga ko‘ra, Qo‘shma Shtatlar mashinalarni imkon qadar tezroq Ukrainaga yetkazib berishga harakat qiladi.

Oq uyning ta’kidlashicha, Qo‘shma Shtatlar yaqin oylarda Ukrainada urushni to‘xtatilishi istiqbollarini ko‘rmayapti. Jo Bayden ma’muriyati Kiyevga harbiy yordam ko‘rsatishni davom ettirishni muhim deb hisoblaydi. “Zamin” yangiliklarini “Telegram”da kuzatib boring