Turkiyada bir soat ichida yana ikkita zilzila sodir boʻldi (video)

Turkiyaning markaziy qismida Toshkent vaqti bilan 15:24 da yangi zilzila qayd etildi. Navbatdagi silkinishlar magnitudasi 7,8 ni tashkil qilmoqda. Erosti silkinishlari poytaxt Anqarada ham sezildi. Yangi zilzilani Suriyada, xususan, Damashq va Latakiyada, shuningdek, Livanning Bayrut shahrida sezishgan.

Bir muddat oʻtib Evropa-Oʻrta Er dengizi seysmologiya markazi Turkiyaning Qahramanmarash shahridan 77 km uzoqlikda 5,9 magnitudali yana bir zilzila sodir boʻlgani haqida xabar berdi.

Shu tariqa Turkiyada bir sutkada uch marta zilzila qayd etildi. Birinchisi 6 fevral kuni tongda yuz bergandi, uning kuchi Suriyaning qator hududlariga ta'sir qildi. Oqibatida ikki mamlakatda 1200 dan ortiq odam halok boʻlgan, yaradorlar soni 6 ming kishidan oshgan. “Zamin” yangiliklarini “Telegram”da kuzatib boring