Afg‘oniston yoshlari «dron» ixtiro qilishdi

Afg‘oniston Texnik va kasb-hunar ta’limi boshqarmasi talabalar jamoasi uchuvchisiz uchish apparati yaratishga muvaffaq bo‘lishdi.

Joriy yilning 5 fevral kuni kafedraning Twitter'dagi sahifasida e’lon qilingan videoda ushbu dronni talabalardan biri boshqarayotganini ko‘rish mumkin.

Ushbu videodagi talabalardan biri bu haqida shunday deydi: «Bu bizning jamoamiz qurgan uchuvchisiz uchadigan samolyotlardan biri va u ikki kilometrgacha ucha oladi. Bu dron kelajakda tasvirga olish uchun ishlatilishi mumkin».

Bungacha Afg‘oniston Texnik va kasb-hunar ta’limi boshqarmasida 30 kishidan iborat ishchi guruh tomonidan besh yil ichida sport avtomobili yasalgan edi.

Ushbu mashina Kobulda 2022 yil 29 dekabrda namoyish etilgandi. “Zamin”ni Telegramʻda oʻqing!