Aralash yakkakurash jangchisi (MMA) Jeff Monson AQSH siyosatiga rozi emasligi sababli AQSH fuqaroligidan voz kechishga qaror qildi. Bu haqda RIA Novosti xabar berdi.
Jeff Monsonning so‘zlariga ko‘ra, u AQSH bilan hech qanday aloqasi bo‘lishni istamaydi. Shuning uchun fuqarolikdan voz kechish jarayonini boshlagan.
"Aslida men AQSH fuqaroligidan voz kechish jarayonini boshdan kechiryapman. Bu jarayon bir necha oy davom etishi mumkin. Men oilamni sog‘indim, shu bilan tamom. Men Amerika bilan hech qanday aloqam bo‘lishni xohlamayman”, deydi u.
Uning qayd etishicha, AQSH hukumati va harbiylari o‘zlarining urushlari, sanksiyalari va dunyoning boshqa davlatlarining ishlariga aralashishlari bilan misli ko‘rilmagan azob-uqubatlarga sabab bo‘lmoqda.
“Men Rossiyani va rus xalqini yaxshi ko‘raman, bu yerda baxtliman. Lekin fuqarolikdan voz kechishimning sababi Amerika siyosati bilan kelishmovchilikdir. Ham ichki, ham tashqi", deya qo‘shimcha qildi sportchi.
Shu tariqa unda faqat Rossiya pasporti qoladi. U 2018 yilda RF fuqaroligini olgan.
Ma’lumot uchun, Monson professional MMAda 89 ta jang o‘tkazgan - 61 g‘alaba, 26 mag‘lubiyat va 2 durang.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
