Rossiyada AQSH elchixonasining sobiq xodimi hibsga olindi

^{Illustrativ foto}

"FSB" AQSHning Rossiyadagi elchixonasi sobiq xodimi Robert Shonovni “xorijiy davlat bilan maxfiy hamkorlikda” aybladi. Rossiya Federatsiyasi Jinoyat kodeksining 275.1-moddasida nazarda tutilgan jinoyat 8 yilgacha ozodlikdan mahrum qilish bilan jazolanadi. 15 may, dushanba kuni TASS agentligi tarqatgan xabarga ko‘ra, Shonov Vladivostokda qo‘lga olingan.

Gumonlanuvchi Moskvadagi "Lefortovo" tergov izolatoriga o‘tkazildi, tergovchilar uni hibsga olish muddatini uch oyga uzaytirishni so‘ramoqda. Aftidan, Robert Shonov ishi Ukraina bilan hamkorlikda gumon qilinayotgan peterburglik rassom Daniil Krinarining ishi bilan bog‘liq. "Mediazona" xabariga ko‘ra, ularning ishlari soni bir raqamga farq qiladi, ular bir modda bo‘yicha ayblanmoqda, tergov izolatorida saqlash muddatini uzaytirish haqidagi iltimosnomalar bir vaqtning o‘zida kelib tushgan.

275.1-modda Rossiya Federatsiyasi Jinoyat kodeksiga 2022 yil iyul oyida kiritilgan - davlatga xiyonat qilish haqidagi moddaga qo‘shimcha ravishda. Ushbu modda bo‘yicha ishda birinchi ayblanuvchi "Umumrossiya ijtimoiy birligi" so‘l jamoat tashkiloti rahbari Pavel Pishchulin bo‘ldi. U oktyabr oyida "Rossiya Federatsiyasi xavfsizligiga qarshi" faoliyatda "chet elliklar bilan hamkorlik qilish"da ayblanib hibsga olingan edi. Avvalroq Pishchulin internetda ekstremizmga chorlash va “dindorlarning tuyg‘ularini haqorat qilish”da ayblanib sudlangan.

O'zbekiston yangiliklari Yangiliklar