Lukashenko: Putin Kiyevni katta yo‘qotishlarni istamagani uchun olmadi

Vladimir Putin Kiyevni olishdan bosh tortdi. Chunki u fuqarolar orasida katta yo‘qotishlar bo‘lishini istamadi. Bu haqda Belarus prezidenti Aleksandr Lukashenko ma’lum qildi, deb yozmoqda RIA Novosti.

Lukashenko 2022 yil fevral oyi boshida bergan intervyusida Rossiya qo‘shinlari Kiyevni oladi deb bashorat qilgan edi.

"Bu majoziy ma’noda aytildi: uch-to‘rt kun ichida. Bilasizmi, bir-ikki oy davomida Kiyev chekkasidagi Gostomelda Rossiya Federatsiyasi qo‘shinlari bor edi... Men bu borada Putin bilan suhbatlashdim. Men aytdim: urush bu urush, lekin urush tugashi uchun biz poytaxtni olishimiz kerak. U menga javoban - bilasizmi, buni darhol, bir zumda amalga oshirish mumkin, lekin juda ko‘p odamlar halok bo‘ladi", - dedi Lukashenko ukrainalik jurnalist Diana Panchenkoga bergan intervyusida.

Belarus prezidentining tushuntirishicha, Ukraina qo‘shinlari Kiyev ko‘chalariga to‘g‘ridan-to‘g‘ri tez uchar raketa tizimini olib chiqib, bolalar bog‘chalari, maktablar va shifoxonalar orqasiga yashirinib olishgan.

"Keyin u yerdan rus qo‘shinlari jo‘nab ketishdi. Ular ketishdi! Va u yerda hech qanday Zelenskiyga tegishli narsa aks etmadi. U yerda aslida uning hech qanday qo‘shinlari ham bo‘lmagan... U bekorga o‘zida bo‘lmagan jasoratni ko‘rsatmoqda", - deya qo‘shimcha qildi u.

Uning aytishicha, Putin bu qo‘shinlarni Kiyevdan olib chiqib ketdi. "Zelenskiy esa o‘sha paytda yerto‘lada yashirinib o‘tirgan edi!”, - deya ta’kidladi Lukashenko.

Rossiya va Ukraina urushi Yangiliklar