Rossiya bir qaror bilan G‘arb rejalarini barbod qildi

Rossiya va Saudiya Arabistoni tomonidan neft qazib olishni qisqartirish neft narxining oshishiga olib keldi, tahlilchilarning fikricha, bu G‘arbning yuqori inflyatsiyaga qarshi kurash rejalariga ta’sir qilishi mumkin. Bu haqda RIA Novosti "Business Insider" nashriga tayanib xabar berdi.

Gazetaning ta’kidlashicha, ikki "energetika giganti"ning ishlab chiqarishni kuniga 1,3 million barrelga qisqartirish to‘g‘risidagi qarori "Brent" markasidagi neft fyucherslari narxining oshishiga olib keldi, u 90 dollardan oshdi va shu tariqa so‘nggi o‘n oyda maksimal darajaga yetdi.

“Tahlilchilarning fikriga ko‘ra, buning oqibatida inflyatsiya yuqori darajada uzoqroq qolishi mumkin. Bunday qadamlar jahon neft bozorida sezilarli taqchillikka va faqat butun dunyo bo‘ylab neft narxining oshishiga olib kelishi mumkin”, - dedi "Rystad Energy" analitik kompaniyasining katta vitse-prezidenti Xorxe Leon.

Uning so‘zlariga ko‘ra, bu qisqartirishlarning G‘arbdagi inflyatsiya va iqtisodiy siyosatga ta’sirini oldindan aytish qiyin, biroq neft narxining o‘sishi “inflyatsiyani jilovlash uchun, ayniqsa, Qo‘shma Shtatlarda fiskal qattiqlashuv ehtimolini oshiradi, xolos”.

O‘z navbatida, "Zaye Capital Markets" sarmoya bo‘yicha direktori Naim Aslamning fikricha, Moskva va Ar-Riyodning qarori go‘yoki “ularni markaziy banklarning xavotirlari qiziqtirmasligini” isbotlaydi.

Ekspertning so‘zlariga ko‘ra, Saudiya Arabistoni podshohlik o‘z iqtisodiyotini o‘zgartirish loyihasini amalga oshirish uchun katta mablag‘ sarflashi zarurligi sababli neft narxini yuqori ushlab turishga intilmoqda.

Шухрат Раззаков

«ZAMIN.UZ» muharriri